Əskişəhər məscidində Xocalı şəhidlərinin ruhuna Qurani-Kərim oxundu
Məscidə gələnlər tərəfindən “Allah qəbul etsin”, “Bütün şəhidlərimizin ruhu şad olsun” ifadələri səslənib
1591801
26 Fevral – Xocalı soyqırımının 29-cu ildönümü günü Azaflı Sosyal Yardım və Kültür Dərnəyi, Əskişəhər Azərbaycanlılar Dərnəyi və İHH Humanitar Yardım Fondunun Əskişəhər Təmsilciliyi birlikdə şəhərin Rəşadiyyə məscidində (Reşadiye Cami) Azərbaycan Xocalı Şəhidlərinin Xatirəsinə həsr olunmuş mövlud proqramı təşkil etmişlər.
Əsr (İkindi) namazından əvvəl 26 Fevral Xocalı Soyqırımı və bütün Azərbaycan şəhidlərinin ruhuna Qurani-Kərim oxunub, faciə qurbanları yada salınıb, məscidə gələnlər tərəfindən “Allah qəbul etsin”, “Bütün şəhidlərimizin ruhu şad olsun” ifadələri səslənib.
