اسرائیل نینگ هجوملریده اون مینگلب فلسطینلیک حیاتینی یوقاتدی

اسرائیل اردوسی نینگ 202 کوندن بیری دوام ایتیاتگن غزه نواری گه قره تیلگن هجوملریده حیاتینی یوقاتگن فلسطینلیک لر سانی 34 مینگ 305 نفر گه ییتدی. 

غزه ده گی فلسطین ساغلیق نی سقلش وزیرلیگی تامانیدن بیریلگن بیاناتده, اسرائیل نینگ 202 کوندن بیری دوام ایتیاتگن غزه نواری گه قره تیلگن هجوم لری حقیده معلومات بیریلدی. 

اسرائیل اردوسی نینگ سونگّی 24 ساعتده غزه نواری گه قره ته اویوشتیرگن هجوملریده ینه 43 نفر فلسطینلیک نینگ حیاتینی یوقاتگن لیگی و 64 کیشی نینگ ایسه یره لنگن لیگی بیلدیریلدی. 

اسرائیل نینگ 7- اوکتوبر دن بیری غزه نواری گه قره ته اویوشتیریب کیلیاتگن هجوملریده حیاتینی یوقاتگن فلسطینلیک لر سانی نینگ 34 مینگ 305 و یره لنگن لر سانی نینگ ایسه 77 مینگ 293 نفر گه ییتگن لیگی معلوم قیلیندی. 

عینی دمده بیاناتده حاضرگی کونده هم ویران بولیب قالگن اوی لر نینگ تگی و یول چیککه لریده جسد لرنینگ موجود ایکن لیگی لیکن اسرائیل عسکر لری نینگ ممانعتی سببلی ساغلیق نی سقلش تیم لری و ملی مدافعه مسئول لری نینگ جنازه لرنی توپله آلمه یاتگن لیگی بیلدیریلدی.