اسرائیل مالیه وزیری: غزه نینگ یوق قیلینیشی کیره ک

اسرائیل نینگ افراطی راستگرا مالیه وزیری بتسالل اسموتریچ, تشقی استخبارات تشکیلاتی موساد گه حماس رهبر لری گه قره ته هجوم اویوشتیریلیشی و غزه نواری نی بوتونله یوق قیلیشی بوییچه چقیریق بیردی. 

بتسالل اسموتریچ, اوروش کینگشی ییغیلیشی آرتیدن ایکس آرقه لی بیرگن بیاناتیده, "موساد نینگ اسرائیل نینگ خوفسیزلیگی گه ضرر ییتکزه دیگن مذاکره لر اورنی گه دنیا ده گی حماس رهبر لری نی یوق قیلیب, اوز ایشی گه قیتیشی نینگ وقتی کیلدی" دییه قید ایتدی. 

اسیر المه شووی بوییچه حماس بیلن هر قنده ی بیر مذاکره گه مخالفت قیلیاتگن اسموتریچ, اوز سوز لرینی, "ایندی حماس بیلن فقط گینه راکت لر و بمب لر بیلن گپیریشی میز" شکلیده دوام ایتدیردی. 

اسموتریچ, غزه نواری نینگ جنوبی ده گی رفح شهری نینگ "حتی الامکان اینگ تیز اشغال ایتیلیشی و اوشبو اشغال نینگ (منطقه نینگ) بوتونله ی یوق قیلینگونگه قدر دوام ایتیشی اوچون" چقیریق بیردی. 

اسرائیل مالیه وزیری, بونینگ "اسرائیل خوفسیزلیگی اوچون کیره کلی و آلیب قاچیریلگن انسان لرنینگ قیتریب کیتیریلیشی اوچون بیرته گینه چانس دن عبارت ایکن لیگینی" ادعا ایتدی.