اسرائیل تشقی ایشلر وزیری کوپلب اولکه گه ایران گه تیگیشلی یازوو جونتگن لیگینی بیلدیردی

اسرائیل تشقی ایشلر وزیری اسرائیل کاتز، ایران نینگ راکت پروگرامی گه چیکلاو کیریتیلیشی و ایران انقلاب محافظلری اردوسی نینگ "ترور تشکیلاتی" ایتیب اعلان قیلینیشی بوییچه چقیریق قیلدی.

اسرائیل کاتز اجتماعی ترماق ایکس آرقه لی بیرگن بیاناتده، 32 اولکه گه یازوو جونتگن لیگینی شونده ی بولیب کوپلب کسبداشی و دنیانینگ ییتکچی سیمالری بیلن سوزلشگن لیگینی قید ایتدی.

کاتز 32 اولکه گه جونتگن یازووده و کسبداشلری بیلن اوتکزگن سوزلشوولریده ایران گه توسیق بولیش و کوچسیزلشتیریش اوچون "تهران نینگ راکت پروگرامی گه چیکلاو کیریتیلیشی و انقلاب محافظلری اردوسی نینگ ترور تشکیلاتی ایتیب اعلان قیلینیشی" بوییچه چقیریق قیلگن لیگینی تیلگه آلدی.

اسرائیل تشقی ایشلر وزیری ترقه تگن پستده، "کیچگه قالمه ی ایران نینگ تیزده توخته تیلیشی کیره ک." دیب ایتدی.

کاتزنینگ بو چقیریغینی ایران نینگ اسرائیل گه قره ته 13 اپریل تاریخیده یوزلب بالستیک، هیداوچیسی هوا واسطه سی درون آرقه لی باشلتگن هجوملریگه جواب بیریش خواطری دوام ایترکن قیلدی.