اسرائیل اردوسی تامانیدن تینچ اهالی گه قره ته اویوشتیریلگن هجوملر عاقبتیده اونلب کیشی جان بیردی

اسرائیل اردوسی نینگ غزه نواری نینگ شمالیده جایلشگن خان یونس ده بدرغه بولگن فلسطین لیکلر قالگن چادرنی بمباردمان قیلیشی عاقبتیده باله لر بیلن بیر قطارده 12 کیشی حیاتینی یوقاتدی.

فلسطین خبر آژانسی وفا خبر بیریشیچه، اسرائیل کوچلری خان یونس نینگ غربیده جایلشگن المواسی منطقه سینی بمباردمان قیلگن.

اسرائیل حربی اوچاقلری نینگ بدرغه بولگن فلسطین لیکلر قالگن چادرنی بمباردمان قیلیشی عاقبتیده باله لر بیلن بیر قطارده 12 کیشی حیاتینی یوقاتگن، کوپلب کیشی ایسه یره لنگن.

اسرائیل اردوسی غزه نینگ جنوبیده جایلشگن رفح شهری نینگ تورلی منطقه لریگه هوا هجومی اویوشتیردی. بو هجوملرده هم اولگن یره لنگنلر بارلیگیدن خبر بیریلماقده.

اسرائیل اردوسی تامانیدن 7 اکتوبردن بیری ملکی تورر جای، کسلخانه، مکتب و بدرغه بولگن فلسطینلیکلر سیغینگن پناهگاهلرنی هدف آلیب اویوشتیریلگن هجوملرنینگ دوام ایتتیریلیشی قاله ویرسه انسانپرورلیک یاردملرنینگ کیریشی گه توسیق بولیب خلقنی آچلیک که محکوم ایتگن 2.3 میلیون نفوسلی غزه نواریده کتته انسانی فاجعه یوزبیرماقده. هجوملرده کوپراغی باله لردن عبارت 32 مینگ 414 فلسطینلیک اولدی، 74 مینگ 787 کیشی یره لندی.