عراق پارلمانی باشلیغی نینگ اویی نینگ تیگره گی گه راکت آتیلدی

عراق پارلمانی باشلیغی محمد الحلبوسی نینگ اویی نینگ جایلشگن الانبار ولایتی نینگ کرمه تومنیده اویوشتیریلگن راکت هجومی عاقبتیده 2 نفر عادی اهالی یره لندی. 

عراق حکومتی تامانیدن بیریلگن بیاناتده, "پارلمان باشلیغی الحلبوسی نینگ توغیلگن جای بولگن کرمه تومنی گه 3 راکت آتیلدی.  هجوم جریانیده یولدن اوتیاتگن 2 نفر عادی اهالی ینگیل یره لندی" دییه قید ایتیلدی.

محلی مطبوعات نینگ بیرگن خبری گه کوره, راکت لردن بیری الحلبوسی نینگ اویی نینگ یقینی گه کیلیب توشگن. 

عراق عالی فدرال محکمه سی, 9 جنوری ده گی پارلمان باشلیغی سیلاو لری نینگ قانونی ایمس لیگی ادعاسی بیلن قیلینگن اعتراض نی رد ایتگن ایتدی. 

ایران گه یقین شیعه گروه لر, الحلبوسی نینگ کاندید بولگن پارلمان ریاستی سیلاو لری گه اشتراک ایتمه گن ایدی.