اوروپا بیرلیگی: اسرائیل خلق ارا حقوققه ضد حرکت قیلماقده

اوروپا بیرلیگی, اسرائیل پولیسی نینگ اویی دن چیقیش گه مجبور قیلیاتگن و بونگه قره مسدن گاز بالونی نی قولیگه آلیب تام نینگ اوستیگه چیققن فلسطین لیک محمود صالحیه و  عایله سی بیلن علاقه لی بیر پیام ترقه تدی. 

پیامده اوشبو کیشی لرنینگ اوی لری دن هیده لیشی نینگ ناقانونی ایکن لیگی بیلدیریلدی. 

اوروپا بیرلیگی نینگ بیت المقدس نماینده لیگی اجتماعی ترماق آرقه لی ترقتگن پیامیده, اسرائیل نینگ اشغال آستیده گی شرقی بیت المقدس ده اویی دن چیقیش گه مجبور قیلیاتگن فلسطین لیک عایله قوللب- قُوَتلندی. 

بیاناتده, اوروپا بیرلیگی و بیرلیک اعضاسی اولکه لرنینگ خوددی شوو عایله نینگ وضعیتی نی یقین دن کوزه تیاتگن لیگی بیلدیریلدی. 

مسئله گه تینچلیک سیور بیر ییچیم یولی قیدیریلیشی کیره ک ایکن لیگی بیلدیریلگن بیاناتده, "خلق ارا حقوققه ضد بیر شکلده انسان لرنینگ اوی لری دن چیقاریلیشی و اوی لرنینگ ویران قیلینیشی بویوک مقیاسده تینچیلک امید لری گه ضرر بیرماقده و ساحه ده ناتینچ لیک لرنی آرتیرماقده" دییه قید ایتیلدی.