میلادی 2022- ییلده اورته شرق

میلادی 2021- ییلده اورته شرقده مهم رقابت لر بحث موضوعی بولدی.  بیر تاماندن کووید 19 باعث اقتصادی و سیاسی معما لر پیدا بولرایکن, سوریه و لیبیا کبی کوپلب اولکه لرده اوروش لر دوام ایتدی و سیاسی برقرارلیک اورنه تیله آلمه دی.  امریکا قوشمه ایالت لری نینگ افغانستان و باشقه بعضی منطقه لردن عسکر لری نی باسقیچ مه باسقیچ چیقارگن لیگی ایسه چین, روسیه, تورکیه و ایران کبی منطقه اولکه لری اوچون جیوپلیتیک ینگی فرصت لر گه سبب بولدی.  میلادی 2022- ییلده ایسه منطقه ده یخشی فرصت بولگن لیگی دیک, ریسک لر هم موجود. 

میلادی 2021- ییل اورته شرق اولکه لری جهتی دن جوده یمان بیر ییل بولیب اوتدی. اینیقسه کووید 19 پاندمیسی نینگ تاثیر جدی معنی ده حس ایتیلدی. اولکه لرنینگ ساغلیق سکتوری کتته امتحان لردن اوتدی.  تورکیه کبی ساغلیق تیزیمی یخشی بولگن اولکه لر اوشبو سیناو نی موفقیت بیلن اوتکزرایکن, کوپلب اورته شرق اولکه سی جدی قیین چیلیک لر گه دوچ کیلیب قالدی. لیبیا دن باشلب سوریه گه قدر کوپلب منطقه اولکه سیده اوروش لر دوام ایترایکن, سیاسی برقرارلیک اورنه تیله آلمه دی.  عینی دمده امریکا قوشمه ایالتلری نینگ عسکر لرینی افغانستان و باشقه منطقه لردن باسقیچ مه باسقیچ چیقاره باشله گن لیگی, بیر کوچ بوشلیگی گه سبب بولدی.  روسیه و چین کبی تشقی اکتور لر اوشبو بوشلیق نی تولدیریش گه حرکت قیلرایکن, تورکیه و ایران جهتی دن هم یخشی فرصت لر پیدا بولیب قالدی.  آلدین امریکا قوشمه ایالتلری گه ایشانیب قتتیق بیر سیاست آلیب بارگن کورفز اولکه لری ایسه موجود سیاست لری نی اوزگرتیب, منطقه اولکه لری بیلن بولگن مناسبت لری نی یخشی لشتیریش گه حرکت قیله باشله دی. 

میلادی 2022- ییل نینگ هم خوددی شوو وضعیت بیلن دوام ایتیشی احتمالی جوده یوقاری دیک کورینماقده.  یعنی بیر تاماندن امریکا قوشمه ایالتلری نینگ چیقیشی بیلن پیدا بوله دیگن کوچ بوشلیگی نینگ قنده ی قیلیب تولدیریله دیگن لیگی, باشقه بیر تاماندن ایسه تورکیه بیلن بیرلشگن عرب امیرلیک لری, سعودی عربستان و مصر آره سیده گی مناسبت لرنینگ یخشی لشتیریلیشی پروسه سی.  عینی دمده کورفز اولکه لری بیلن ایران اورته سیده گی مناسبت لرنینگ یخشی لشتیریلیشی بوییچه تشبث لر هم خوددی شوو پروسه گه بویوک مقیاسده تاثیر قالدیره دی.  اورته شرق ده گی برچه اولکه لر فرقلی شکللرده بولسه هم مناسبت لرنی یخشی لشتیریش گه انتیلماقده.  معلوم بیر مدت دن بیری یوقاتیش- یوقاتیش سیاست لری برچه اولکه لرنی چرچه تدی.  بیراق اورته شرق اوچون مناسبت لرنینگ یخشی له شیشی بوییچه پروسه نینگ ایجابی دوام ایتیاتگن دیک کورینیاتگن لیگی گه قره مسدن, ایران نینگ هسته ای فعالیت لری نی دوام ایتتیریش گه حرکت قیلیشی, اسرائیل نینگ احتمالی تهدید لری و سوریه, لیبیا, لبنان و یمن کبی منطقه لرده گی برقرارسیزلیک هم کتته بیر تهدید دن عبارت بوله دی.  منطقه ده گی معما لر ییچیلمسدن, مناسبت لرنینگ حقیقی معنی ده یخشی لشتیریلیشی بوییچه مثبت بیر فکر نینگ موجود ایکن لیگی نی بیلدیریشی میز ممکن ایمس.