لیبیاده بولیب اوته دیگن سیلاولر توغریسیده بیر تحلیل یازووی
تحلیل و تیکشیروو لوحه سی
لیبیاده بولیب اوته دیگن سیلاولر توغریسیده بیر تحلیل یازووی
لیبیاده دسامبر آییده بولیب اوتیشی ریجه لنگن سیلاو یقینلشیب بارگن سری اولکه ده گی بحران تاباره آرتیب بارماقده. سیلاونینگ بولیش احتمالی، قنداغ بیر سیلاو جریانی بولیب اوتیشی، سیلاو منطقه لری نینگ انیقلشتیریلیشی، کاندیدلرنینگ تثبیتی کبی انچه ناانیق سببلر باعث ینگی بیر جریان یوزه گه چیقدی. لیبیاده گی تامانلر، تشقی باسیم و مشروعیت قیغوسی بیلن سیلاو بولیشینی خواهله ماقده، بیراق سیلاونینگ قیسی شرطلرده قنداغ بولیب اوته جگی نامعلوم.
خوفسیزلیک بوییچه تیکشیرووچی مراد یشیل تاش نینگ بو موضوع بوییچه فکر و ملاحظه‌لرینی اعتبارینگیزگه حواله قیله‌میز .
سیلاو جریانیده حفتر و حمایه گر دولتلرنینگ وقتراق چیقیب کیتیشی کوتیله دی. حفترنینگ امریکا وطنداشلیگی بولگن حالده لیبیا ریاستی کینگشی گه علاقه سی بولیشی قیزیق بیر حادثه اوله راق کون ترتیبیده. شونده ی بولیب لیبیا سیلاو قانونی، ایککی تبعه سی بولگنلرنینگ سیلاولرده کاندید بولیشی گه رخصت بیرمه یدی. بناً حفترنینگ تاثیری آستیده گی طبرقده جایلشگن مجلس، بیر قانون ایگه بولگن خصوصلرنی بیر تامانگه قوییب قرار آلیش سانی و اصولی گه قره مه ی سیلاو قانونی چیقریش گه اورندی.
کوتیلگودیک خلقدن نماینده لیک قیلووچی ایریم بیر ارگان بولمیش طرابلس ده جایلشگن یوکسک دولت کینگشی بو قانون نی تنیمه گن لیگینی بیلدیردی. شونده ی بولیب کینگش باشلیغی خالد المشری بیرگن بیاناتی بیلن سیلاولرنینگ بولیشی نینگ اهمیتی گه تماس قیلرکن تخنیکی معناده سیلاولرنینگ امکانسیزلیگینی ایسله تیب اوتدی و حفتر کبی اکتورلرنینگ ریاست گه اولتیریشینی قبول ایتمسلیکلرینی بیلدیردی. صحبتی نینگ سونگگیده ایسه سیلاونی بویکوت قیلیش گه چقیردی. بو وضعیت طرابلس تامانیدن سیلاونی بویکوت قیلیش احتمالی کون سایین کوپه ییب بارماقده.
بونگه قوشیمچه اوله راق طرابلسده گی اکتورلرنینگ ایچیده مشترک بیر کاندید توغریسیده بیر کیلیشوو یوز بیرگن یوق. شونده ی بولیب قذافی نینگ اوغلی سیف الاسلام نینگ ریاست گه کاندید ایکن لیگینی اعلان قیلیشی ینگی بیر تارتیشووگه سبب بولدی. اوزینی شرق بیلن غرب اورته سیده بیر الترناتیف ایتیب کورستگن سیف الاسلام خلق نینگ سیلاولرگه قتنشیشی بوییچه چقیریق قیلدی. حفتر قول اورگن جرملرگه بناً ریاست گه کاندید بولیشی قبول ایتیلگن بیر فضاده سیف الاسلام نینگ کاندید بولیشی گه همجمعیت نینگ قنداغ یانداشوو کورستجگی نامعلوم. بعضی بیر منطقه لرده مظاهره لر اویوشتیریلدی و خلق سیف الاسلام نینگ کاندیدلیگی نینگ قبول ایتیلمس ایکن لیگینی ایته دی.
لیبیاده سیلاولرنینگ اوتکزیلیشی ویا اوتکزیلمه یشی، بولیب اوتگن حالده مشروع دیب کوریلیشی ویا کوریلمه یشی کبی الترناتیف یانداشوولر حلی هم ناانیق بولیب دوام ایتماقده. بیراق کوریلگن بیرته نرسه سیلاونینگ لیبیاده ینگی بیر جریان نینگ باشلشی گه سبب بولیشی ممکن و بو توقنه شوولرنینگ قیته دن باشله شی گه سبب بولیشی ممکن. شونده ی بولیب حفتر اوز منطقه سیده قورال آستیده سیلاوچیلرنینگ رای بیریشینی یقیندن تعقیب ایتیب بو منطقه لرده کیسکین اوله راق یوتوق قازانیب چیقماقچی بوله دی. قورال آستیده ایسه ایرکین بیر سیلاو بولیشی ممکن ایمس. ایریم اکتورلر ایسه بو نتیجه نی قبول ایتمه یدی و بو سیلاو بیلن بیرگه لیکده ینگی بیر بحران فضاسی یوزه گه چیقه دی. بو وضعیت بیر مدتدن بیری دوام ایتیب تورگن آتشکیسین نی بوزیب تشلشی ممکن و لیبیانی ینگی بیر بحرانگه آلیب باریش گه سبب بولیشی هم ممکن دیر.
بونقه بیر فضاده فرانسه نینگ پاریس جریانی بیلن لیبیاده گی جریان گه تاثیر قالدیریش احتمالی وضعیت نی حساسلشتیره دی. لیبیاده گی مسئله لرگه سیلاو ییچیم بولمه یدی، بیراق سیلاولر اولکه نینگ تقدیرینی شکللنتیره دی.
خوفسیزلیک بوییچه تیکشیرووچی دوکتور مراد یشیل تاش نینگ اوشبو موضوعگه دایر فکر و ملاحظه‌لرینی اعتبارینگیزگه حواله ایتدیک.
