اسرائیل تامانیدن شهید قیلینگن فلسطینلیک لر سانی آشیب بارماقده

اسرائیل نینگ فلسطینلیک لر گه قره تیلگن هجوم لری عاقبتیده شهید بولگن لر سانی 188 نفر گه ییتدی. 

غزه ده گی ساغلیق نی سقلش وزیرلیگی تامانیدن بیریلگن بیاناتده, "10- می کونیدن بیری اسرائیل نینگ غزه گه قره تیلگن هجوم لری عاقبتیده 55 نفری باله لر و 33 کیشی سی ایسه عیاللردن عبارت توپلم 188 نفر فلسطینلیک حیاتینی یوقاترایکن, 1230 کیشی ایسه یره لندی" دییه قید ایتیلدی. 

فلسطین ساغلیق نی سقلش وزیرلیگی نینگ سوزچیسی اشرف القدره بیرگن ویدیویی بیاناتیده, خلق ارا جامعه نی, اسرائیل نینگ هجوم لری نی توخته تیش بوییچه انیق قدم لر تشلش گه چقیردی. 

عینی دمده, اسرائیل اردوسی دینگیز آرقه لی غزه شهری گه هجوم اویوشتیردی. 

اسرائیل نینگ اوروش اوچاق لری هم, غزه نینگ مصر چیگره سیده گی ایککی امنیتی مرکز نی بمباران قیلدی.

اسرائیل طیاره لری, کیچه نینگ یریمی دن کیین غزه نینگ فرقلی منطقه لرینی بمباران قیلگن ایدی. 

غزه نینگ غربی ده گی الرمال منطقه سیده اویوشتیریلگن هوا هجومی عاقبتیده کوپلب اوی ویران بولگن ایدی.

غزه ده گی شفا کسلخانه سی نینگ باشلیغی هجوم لر عاقبتیده حیاتینی یوقاتگن 2 نفر فلسطینلیک بیلن 22 نفر زخمی نینگ کسلخانه گه کیتیریلگن لیگی نی بیلدیرگن ایدی. 

غزه ده گی فلسطین ساغلیق نی سقلش وزیرلیگی تامانیدن بیریلگن یازمه بیاناتده هم, 5 باله نینگ ویران بولگن اوی لرنینگ ایچیدن قوتقریب آلینگن لیگی معلوم قیلینگن ایدی.