2024 ییلی جیوپولیتیک و جیوستراتیژیک رقابت ییلی بوله دی

2024: تهدیدکار بیر ییل

2023 ییلی یوزبیرگنلر 2024 ییلیده گی احتمالی جیوپولیتیک و ستراتیژیک سناریولرنی تورلی لشتیرگن وضعیتده. 4 میلیارددن آرتیق نفوس 2024 ییلیده سیلاوگه قتنشه دی. امریکا قوشمه ایالتلری، روسیه، انگلستان، هندوستان،تایوان، بنگلدیش کبی اولکه لرده گی سیلاولر مهم دیب کوریلماقده. اوکراین، غزه و تایوان مسئله سی ایران نینگ هسته ای پروگرامی، اورته شرق ده اسرائیل – عرب توقنه شووی نینگ احتماللر ایچیده ایکن لیگی، انرژی نرخلریده گی نا انیقلیکلر و اقلیم اوزگریشی گه باغلیق کوتیلمه گن ینگیلیکلر خلق ارا سیاست گه چقور تاثیر قالدیرووچی موضوعلر. سونگگی 24 آی ایچیده 78 ته توقنه شوو یا ینگه باشله گن دیر ویا توقته لیب قالگن قیته دن باشله گن دیر. بو خلق ارا سیستم نینگ توقنه شووچی کریکتری نینگ مهم عنصرلریدن بیرته سی. 

خوفسیزلیک بوییچه تیکشیرووچی و یازووچی پروفیسور دوکتور مراد یشیل تاش نینگ موضوع بوییچه تحلیل یازووینی تقدیم ایته میز.

سیستم ده گی اوزگریش و قیته تیکلنیش حلی هم نا انیق و بو نقطه ده امریکا قوشمه ایالتلری نینگ پوزیشنی جوده مهم. امریکا قوشمه ایالتلری نینگ گلوبال اورنی گه جدی بیر تهدید بار. عسکری اوله راق چین شو وقت امریکا قوشمه ایالتلری بیلن تینگ بولمه گن بولسه ده یقین پیتده بعضی بیر سکتورلرده تینگ بولیش احتمالی بارلیگی انیق. بو چین گه خلق ارا مقیاسده بیر کوچ مقامی کیریتمه یدی لیکن اوز منطقه سیده امریکا قوشمه ایالتلرینی آلدینی آلاله دیگن بیر حربی کوچ اوله راق کوریله دی. ایککینچیسی امریکا قوشمه ایالتلری نینگ عسکری مقامی گه قره ته اورته شرقده اینیقسه 7 اکتوبردن کیین جدی بیر هجوم تشبثی احتمالی توغدی. بو هم امریکا قوشمه ایالتلری نینگ عسکری موجودیتینی ریسک آستیگه آلووچی بیر وضعیت ایتیب کوریله دی. اقتصادی جهتدن هم امریکا قوشمه ایالتلری حلی هم اینگ بویوک اقتصادلردن بیرته سی. اروپادن و چین دن ایلگریده توره دی. بیراق گلوبال مقیاسلیک اقتصادی وضعیت هندوستان قاله ویرسه انچه منطقوی و اورته اولچکلی کوچ نینگ امریکا قوشمه ایالتلری نینگ اقتصادی حاکمیتی گه جدی معما توغدیره یاتگن گه اوخشه یدی. دیپلوماتیک اوله راق ایسه امریکا قوشمه ایالتلری نینگ روحیه اوستونلیگی نینگ قولدن بیرگن لیگی کوریله دی. اینیقسه غزه اوروشیدن کیین امریکانینگ دیپلوماسی ایشانچینی قولدن بیرگن کوریله دی. بایدن باشقرووی نینگ قاعده لرگه باغلیق خلق ارا بیر تیزیم ایجاد ایتیش هدفی نا موفق بولگن اینیقسه ایریم اکتوررنینگ قاعده سیز یانداشوولریگه سبب بولگن دیر.

ایریم بیر سیستمی معما ایسه روسیه نینگ اوکراین ده گی اشغالی. روسیه نینگ اوکراین ده گی جیوپولیتیک هدفلریگه حلی گچه اوزگریش یوق. روسیه اوکراین نی قاره دینگیزگه یاپیق بیر دولت وضعیتی گه کیلتیریش گه اورونماقده. فینلدنینگ ناتوگه اعضالیگی و سویدن نینگ محتمل ناتو اعضالیگیدن کیین روسیه نینگ بو هدفی جوده حساس بولگن گه کیلگن وضعیتده. پوتین نینگ حاضرچه و احتمالاً 2024 ییلی بو هدفی گه ایریشی احتمالی یوق. شونده ی بولیب اوکراین اوروشیده اوزگرمه گن بیر اوروش ساحه سی یوزه گه چیققن وضعیتده. اوپراسیونلر کوپ بولگن حالده جغرافی سویه ده یعنی ساحه ده هیچ قنده ی ییره ش ویا ایلگری باریش احتمالی یوق. بو روسیه – اوکراین اوروشیده دوام ایته دیگن بیر وضعیت ایمس. بناً اوکراین توغریسیده روسیه بیلن اوکراین اورته سیده گی توقنه شوو سببلری حلی هم دوام ایتماقده. ایریم بیر معما غرب نینگ اوکراین نی قوللب – قوتلشی دیر. غرب مهم درجه حربی یاردم بیررکن بو یاردم ساحه ده اویین اوزگرتیرووچی بیر رول آلمه یپتی. البته اوکراین نینگ مدافعه سینی کوچه یتیردی بیراق اوکراین گه روسیه گه قرشی بیر یوتوق قولگه کیریتیش توغریسیده ستراتیژیک بیر اوستونلیک کیریتمه گن دیر. دیپلوماتیک تامانده ایسه حلی گچه بیر آلغه باریش یوق. بو آلغه باریش نینگ هم یقین تاریخده یوز بیریشی ممکن کوریلمه یدی.

موجود وضعیت اوکراین نینگ بیر تینچلیک زمینه سیگه اولتیریشی توسیق بولماقده. اوکراین نینگ تینچلیک ریجه سی حلی هم روسیه نینگ عسکری نینگ اوکراین توپراقلریدن بوتونله ی چیقیشی بیلن تیگیشلی. شونده ی بولیب اوکراین ده 2024 ییلیده موجود وضعیت نینگ خوددی شو شکلده دوام ایته جگی بیراق امریکا قوشمه ایالتلریده ئگی دولت رئیسلیک سیلاولری نینگ اوکراین ده گی جریان جهتیدن جوده مهم ینگیلیک بوله جگینی ایتیش ممکن. روسیه ده هم شونقه بیر سیلاو بوله دی. بیراق سیلاوده پوتین نینگ دولت رئیسلیگی دوام ایته جگی، بویوک بیر سوپرایز بولمه گن تقدیرده روسیه ده اقتدارنینگ پوتین اقتداری بولیب دوام ایته جگینی ایتیش ممکن. روسیه – اروپا مناسبتلریده بیر ینگیلیک یوزبیریشی ممکن. ترامپ سیلاوده یوتوق قازانگن تقدیرده اروپانینگ اوکراین توغریسیده کوپراق مستقل حرکت ایتیشی احتمالی کوریله دی.

خلق ارا سیاستده کوتیلگنلرنینگ عکسینچه ینگی بیر رقابتچی و توقنه شووچی بیر جریان یوز بیریشی ممکن. 

خوفسیزلیک بوییچه تیکشیرووچی و یازووچی پروفیسور دوکتور مراد یشیل تاش نینگ موضوع بوییچه تحلیل یازووینی تقدیم ایتدیک.