تورکیه ده بولیب اوتگن محلی سیلاولر و تاثیرلری

تورکیه ده بولیب اوتگن محلی سیلاولر و تاثیرلری

میلادی 2024 ییلی 31 مارچ تاریخیده تورکیه محلی سیلاولر بیر دموکراتیک فضا ایچیده بولیب اوتدی. سیاسی رقابت نینگ صندوق نتیجه سی آرقه لی انیقلنیشی تورکیه ده دموکراسی نینگ اولتیرگن لیگینی کورسته دی. 78،55 فایز سیلاوچی قتنشر ایکن، 37،76 فایز رای، 14 بویوک شهر، 21 ته کیچیک شهر بیلن جمهوریت خلق حزبی CHP بیرینچی بولیب یوتوق قازاندی. سیلاوده سیلاوچی سانی نینگ آز بولیشی و عدالت و ترقیات حزبی آق حزب ده گی سیلاوچی کم لیگی دقت گه سزاوار ایدی. کوپلب جهتدن محلی سیلاو نتیجه لری تورکیه سیاستی گه تاثیر قالدیره دیگن ظرفیت گه ایگه کوریله دی.   

خوفسیزلیک بوییچه تیکشیرووچی پروفیسور دوکتور مراد یشیلتاش نینگ موضوع حقیده گی تحلیل یازووینی تقدیم ایته میز.

جمهوریت خلق حزبی  CHP نینگ رایلری 3.3 میلیون کوپه یگن وضعیتده، عدالت و ترقیات آق حزب نینگ رایلری آلدینگی سیلاولرگه کوره 4.2 میلیون آزه یدی. بویوک شهرلرده قوییده ائتلاف بولگن دم حزب و ایی حزب نینگ رایلری نینگ کوپراغی نینگ جمهوریت خلق حزبی CHP نینگ کاندیدلریگه کیتگن لیگی کوریله دی. جمهوریت خلق حزبی CHP هم اوز سیلاوچیسی نینگ رایلرینی قولگه کیریتیش گه موفق بولدی همده یقین حزبلرنینگ سیلاوچیلریدن آلیب تاریخیده ایلک مرته تیپه گه چیقدی. بو نتیجه لر بیلن اقتصادی عکس العمل نینگ اوزینی کورستگن لیگینی ایتیش ممکن. جمهوریت خلق حزبی CHP 2019 و 2023 ائتلافلرینی سیلاوچی مقیاسیده فرقلی روشده بولسه ده دوام ایتتیردی.

قوشیمچه اوله راق بویوک شهرلرده جمهوریت خلق حزبی CHP نینگ بعضی بیر محافظه کار اناطولی شهرلریده بلدیه لرنی قولگه کیریتیب آلیشی ینگی بیر حقیقت نی کورسته دی. جمهوریت خلق حزبی CHP ییتکچیسی اوزه ل سیلاو نتیجه لرینی "ینگی بیر سیاسی اقلیم نینگ ایشیگی نینگ آچیلیشی" و "سیاسی حزبلر اوچون تاریخی حادثه" ایتیب اته دی. اوزگریش ادعاسی بیلن یولگه قوییلگن جمهوریت خلق حزبی CHP نینگ ینگی باشقرووی نینگ بو حادثه نی بیر موفقیتلیک سری آلیب باره دی می کوره میز.

2023 ییلی می آییده بولیب اوتگن جمهور رئیسلیک و ملت وکیللیک سیلاویده عدالت و ترقیات حزبی آق حزب یوتوق قازانگندی. بیراق بو محلی سیلاولرده عدالت و ترقیات حزبی آق حزب 35.48 فایز اوی 12 ته بویوک شهر بلدیه سی، 12 ته کیچیک ولایت بیلن سیاسی تاریخیده ایلک مرته ایککینچیلیک که توشدی. بو 2002 دن کیین ایلک مرته یوزبیره دی. سیلاوگه قتنشمه گنلر قاله ویرسه اوتمس رایلرنینگ 15 میلیون گه ییتگن خوددی شو سیلاوده عدالت و ترقیات حزبی آق حزب کوتمه گن بیر سیلاوچی عکس العملی گه دوچ قالدی. شونده ی بولیب آق حزب سیلاوچیسیده درس بیریش یانداشووی کوچلی بولگن. کوید-19 کسل لیگیدن کیین بوگونگه قدر یوزبیرگن اقتصادی بحران نینگ کوپه ییب باریشی و ییچیم توغریسیده آلغه باریلمه یشی ناموفقیتلیک که اینگ بویوک سببلردن بیرته سی ایتیب کوریلماقده.

عدالت و ترقیات حزبی آق حزب سیلاوده گی عکس العملیده ولایتلرده گی کاندیدلر، ینگیدن رفاه حزبی، کمپاین و سیلاولرده گی بیاناتلرنینگ تاثیر قالدیرگن لیگینی ایتیش ممکن.

جمهور باشلیغی ایردوغان سیلاو کونی کیچه بالکوندن بیرگن بیاناتیده 31 مارچ سیلاوی نینگ "بیر توگه ییش ایمس بیر اوزگریش" ایتیب اته یشی سیلاو نتیجه لرینی بیر اوزگریش اوچون استفاده قیلیشینی کورستدی. ملی اراده گه حرمت قیلگنینی کورستگن ایردوغان صمیمی تیل بیلن دموکراسی نینگ یخشیلیکلریدن بحث ایتدی.

عدالت و ترقیات حزبی آق حزب نینگ ینگیلنیش و درس آلیش گه مجبور ایکن لیگی گه دقت تارتیب جسارت بیلن اوزلرینی نقد ایته جکلرینی بیلدیردی.

ایردوغان کیلگوسی 4 ییللیک اجراعات باسقیچیده کوچلی اورونیشلر آلیب باره جکلرینی تیلگه آلدی. هم احتمالی وقتیدن آلدین سیلاو تارتیشوولرینی بیکار قیلیب تشله دی همده تشکیلاتی گه روحیه بیردی. آق حزب جهتیدن ینگیلنیش جمهوریت خلق حزب CHP جهتیدن تاریخی حادثه بولگن 31 مارچ سیلاوی 2028 ییلی گچه تورکیه نینگ جوده حرکتلی بیر باسقیچ اوتکزیشیدن خبر بیره دی.

اقتدار حزبی بولمیش آق حزب ینگیلنیش کیریتگن تقدیرده و کم عایدلیلرنینگ اقتصادینی توزه تگن تقدیرده عکس العمل کورستگن سیلاوچینی ینه اوزیگه تارتیشی ممکن. جمهوریت خلق حزب CHP ایسه بو سیلاوده گی یوتوقلرینی قوریقلش اوچون ایندی آغیرراق بیر سیاست یوک نینگ آستیده دیر.

خوفسیزلیک بوییچه تیکشیرووچی پروفیسور دوکتور مراد یشیلتاش نینگ موضوع حقیده گی تحلیل یازووینی تقدیم ایتدیک.