ایکسری نوری حقیده بیر یازوو

ایکسری نوری حقیده بیر یازوو

میلادی 1895 ییلی نوامبر آیی نینگ ساووق بیر کیچه سیده لابراتوارده ایشلب تورگن ویلهلم کنراد رونتگن، نه فقط طب ساحه سیده عین دمده فضا شناسلیک ساحه سیده هم انقلاب یراتووچی بیر اختراع قیله جگینی بیلمسدی. اونینگ اصل مقصدی بوش بیر شیشه نینگ ایچی گه جایلشتیرگن تورلی پارچه لر اوستیده برق تاثیرینی کوزه تیش ایدی. بیراق طبیعت هم اونینگ همده بشریت نینگ قسمتی گه اوزگریش کیلتیرووچی بیر اختراع گه قول اوروشی گه سبب بولدی. کیین بو بیلیمدان نینگ تخلصی بیلن یاد ایتیله دیگن رونتگن (ایکسری) نوری خوددی شو قرانغو لابراتوارده تصادفاً اورته گه چیقیب قالدی.

میلادی 1845 ییلی 27 مارچ تاریخیده آلمانده دنیاگه کوزلرینی آچگن ماشین مهندلیگی بیلن فزیک ساحه سیده فعالیتلر آلیب بارگن و اوزاق ییللر تورلی عالی بیلیم یورتلریده درس بیرگن پروفیسر دوکتور ویلهلم کنراد رونتگن اوتکزگن بیر تحقیق جریانیده الکترون زره لری نینگ تحقیق اسبابی نینگ شیشه سیگه اصابت قیلیب فلوراسان دیب اتلگن نورلرگه سبب بولگن لیگینی کشف ایتدی. بیلیم ادمی بو تحقیقی گه اوزگریش کیریتیب شیشه ئی تیوپ نی قاره بیر کارتن بیلن قاپلب نور اوتکزیشینی کوریش اوچون اتاقنی بوتونله ی قپقرانغو قیلدی. ایککینچی سیناو جریانیده سیناو اسبایدن 2 متر اوزاقده تورگن و رادیو اکتیف باریوم ماده سی قاپلنگن بیر کاغذگه نور توشگن لیگینی کوردی. رونتگن سیناوینی نیچه مرته تکرار قیلدی و عین نتیجه گه ایریشدی. شونده ی بولیب بو اختراعی گه ایکس نوری دیب اته دی.

ینگی تحقیق نینگ نتیجه لرینی بویوک بیر هیجان بیلن 23 ییللیک تورموش اورتاغی انه برتا بیلن باهملشگن ویلهلم کنراد رونتگن دستلبکی انسانلی تحقیقینی ایسه تورموش اورتاغی نینگ یاردمی بیلن عملگه آشیردی. ایکس نورینی سینش اوچون قولینی رادیو اکتیف ماده و فلوراسان طبقه آره سیگه قویگن انه برتا 15 دقیقه قیمیرده مه ی کوتیب توردی و نتیجه ده انه برتانینگ قولی نینگ آق – قاره تصویری یوزه گه چیقدی. ایلک اختراعیدن کیین ویلهلم کنراد رونتگن تورلی بعدلرده طبقه لرنینگ نورنی فرقلی شدتده اوتکزگن لیگی کوریلدی. ویلهلم کنراد رونتگن ینگی اختراعینی قیرب بیر کیین 1895 ییلی 28 دسامبرده همجمعیت گه اعلان قیلدی بیراق میلیونلب دالر ارزشیده گی اختراعی نینگ رخصتنامه سینی آلیش نی رد ایتدی. اونینگ فکریچه بو ینگی اختراع بوتون انسانلیک خذمتی گه آچیق بولیشی کیره ک. اونینگ بو قراریگه تورموش اورتاغیگه توشگن کوپ میراث سبب بولگن.

تصادفاً هم بولسه کشف ایتگن ایکس نوری تحقیقی 1901 ییلی ویلهلم کنراد رونتگن نینگ نوبل فزیک مکافاتی قولگه کیریتیشی گه سبب بولدی. بیراق بیرینچی جهان اوروشی نینگ آرتیدن آلمان ده یوزبیرگن هیپر انفلاسیون باسقیچی ویلهلم کنراد رونتگن نینگ سونگگی ییللرینی قشاقلیک ایچیده اوتکزیشی گه سبب بولدی. بیراق او اختراع قیلگن ایکسری ماشینلری اروپاده گی کسلخانه لرده ینگی تداویلرگه وسیله بولماقده ایدی. ایندی داکترلر کسللری گه جراحی مداخله قیلمه ی کوپلب کسللیک نی تشخیص ایتیب داریلنماقده ایدی. کوپلب بیلیمدان ویلهلم کنراد رونتگن نینگ اختراعی نینگ زمانوی فزیک نینگ باشلنغیچی ایتیب اته ماقده دیر. خوددی شو اختراع کمپیوترلی توموگرافی، التراسون کبی جهازلرنینگ اختراعی بیلن تاباره کوچه یدی.

ویلهلم کنراد رونتگن کشف ایتگن ایکس نوری وقت اوتگچ طب ساحه سی نینگ تشقریسیگه ییره ب کیتدی و اینیقسه فضا تحقیلریده مهم نتیجه لر آلینیشی گه حصه قوشدی. شونده ی بولیب ایکس نوری کوپلب علمی فعالیتلرنینگ نتیجه بیریشی گه کتته حصه قوشماقده دیر.