مصرگه گلوبال مقیاسده اقتصادی یاردم قیلینماقده
تحلیل و تیکشیروو
مصرگه گلوبال مقیاسده اقتصادی یاردم قیلینماقده
بویوک اقتصادی بحرانگه دوچ قالگن توولشده قینلیب تورگن مصرگه گلوبال مقیاسده یاردم بیریلدی. اولاً بیرلشگن عرب امیرلیکلری بیلن آلیب باریلگن 35 میلیارد دالرلیک سرمایه کیریتیش کیلیشووی آرتیدن آی ایم ایف بیلن ینگی بیر قرضه کیلیشووی بولیب اوتدی. شونده ی بولیب دنیا بانکی و اروپا بیرلیگی کیتمه کیت یاردم پروگراملرینی بیلدیردی.
تشقی پولیتیکا بوییچه تیکشیرووچی و یازووچی جان اجون نینگ موضوع حقیده گی تحلیل یازووینی تقدیم ایته میز.
مصر اقتصادی اوزاق مدتدن بیری بویوک بیر بحران گه دوچ قالگن وضعیتده. عبدالفتاح السیسی نینگ اقتدارنی قولگه آلیشیدن بوگونگه کیلگنده اولکه نینگ اقتصادی توزه لگن یوق. اردونینگ کنترولی آستیده بولگن مصرنینگ اقتصادی منبعلری جوده یمان استفاده بولرکن، مدافعه بوییچه آلیب باریلگن یوکسک مقدارده گی واردات خرجتلری اولکه نینگ قرضلرینی تاباره یوقاریگه آلیب باردی. مملکتده کتّه تشقی سودا تقچیللیگی موجود ایکن 160 میلیارد دالرلیک بیر تشقی قرض هم بار. تشقریدن کیلگن توولشلر بیلن اولکه مرکز بقانکی ایاقده تورماقده. بو تشقی قرضنی باشقریش کتته معما و قرضلرنی شو شرطلرده باشقریش قیین کوریله دی. اسرائیل نینگ غزه گه قره تیلگن اشغالی و منطقوی تاثیرلری هم مصرنینگ کوچسیز اقتصادی گه تاثیر قالدیردی. اولکه ده گی ییریک اقتصادی باشقرمه لر چوکیش وضعیتی گه کیلرکن، مصر خلقی اوچون وضعیت جوده یمان بولیب بارماقده. خلق سودا – ساتیقده جوده قینلماقده و اساسی احتیاجلرینی آلیش جوده قیین، یوز میلیون مصر نفوسی هر ییل 1 میلیون کوپه ییب بارماقده.
بونقه بویوکلیکده مصر اقتصادی چوکیش وضعیتی گه کیلرکن، گلوبال بیر جریان آرقه لی مصرنینگ اقتصادی تشقریدن قوللب – قوتلش گه باشلندی. اولاً بیرلشگن عرب امیرلیکلری حرکت گه اوتیب شمالی قیرغاغیده گی راس الحِکمه شهریگه 35 میلیارد دالرلیک سرمایه کیریتیش قراری قبول قیلیب آلیندی و مصرگه اسعار کیریشی باشلندی. بو آدیم مصرنینگ توپراقلری ساتیلماقده دیگن تنقیدلرگه سبب بولسه ده السیسی باشقرووی بو کیلیشوودن ممنون. مصرنینگ اسعار احتیاجی و قرضلرینی باشقریش اوچون قوله یلیک یراتگن لیگی انیق. آرتیدن آی ایم ایف حرکت گه اوتدی و مصرنینگ اسعار بازارینی توزه تیشی و ایریم قاعده لرنی عملی قیلیشی شرطی بیلن ینگی بیر قرضه بیریش قراری قبول قیلیب آلدی. شونده ی بولیب دنیا بانکی و اروپا بیرلیگی کیتمه کیت یاردم پروگراملرینی بیلدیردی.
نتیجه ده مصر احتیاجی بولگن میلیاردلب دالرگه ایریشگن بولدی. البته کی یوکسک اقتصادی بحران بیلن مصر خلقی تاباره کمبغللیک باسقیچی گه کیره دی. ینه اولکه ده آست قوریش جهتیدن هیچ بیر آدیم آتیلگن یوق، اردونینگ اقتصاد اوستیده گی حاکمیتی دوام ایترکن، اولکه منبعلری سرمایه کیریتیشلر اورنیده عسکری خرجتلرگه و منفعتسیز پروژه لرگه اجره تیلماقده. بولیب اوتگن یاردملر مصرنینگ ینه بیر مدت ایاقده قالیشینی تامین ایته دی، بیراق تیگیشلی ینگیلیکلر کیریتیلمه گن تقدیرده مصر اقتصادی نینگ دوم ایتیشی آسان کوریلمه یدی. دنیا درحقیقت مصرنینگ چوکیشی تقدیرده هم منطقه ده همده دنیاده جدی معمالر توغدیره جگینی اینیقسه غرب اولکه لری جهتیدن ینگی بیر قاچقین دالغه سی یوز بیره جگینی کورگن وضعیتده. ینه غزه بیلن چیگره داش بولگن لیگی طفیلی مصرنی یانیده تورماقچی بولگن اکتورلر شو وقت بی ملال پول صندوغی نینگ قپقاغینی آچگن وضعیتده.
تشقی پولیتیکا بوییچه تیکشیرووچی و یازووچی جان اجون نینگ موضوع حقیده گی تحلیل یازووینی تقدیم ایتدیک.
