اسرائیل نینگ غزه قیرغینی

اسرائیل نینگ غزه قیرغینی

حماس تامانیدن 7 اکتوبر تاریخیده اویوشتیریلگن هجوملر و آرتیدن کیلگن اسرائیل نینگ غزه گه قره ته هجوملری نینگ منطقوی تاثیرلری بولگن دیر. بوگوندن اعتبارً اسرائیل غزه گه قره ته اویوشتیرگن هجوملر بیلن مینگلب تینچ اهالینی قیرغین قیلگن دیر. غزه گه قره ته باشله تیلگن ییر عملیاتی و عاقبتده غزه لیکلرنینگ سیناگه بدرغه قیلیش پروژه سی اردون تامانیدن ایککینچی مرته اوروش سببی ایتیب اتلدی. ییر عملیاتی باشله گن حالده اسرائیل نینگ حلی گچه مسکونی منطقه لرگه کوزگه کوینر درجه ده آلغه بارالمه گن لیگی و تینچ اهالینی آماج قرار بیریشی غرب اولکه لری نینگ پایتخت لریده هم ناراضلیک مظاهره لریگه سبب بولگن دیر. دنیا همجمعیتی کونسایین اسرائیل قرشی بیر بولیش گه مجبور قیلینماقده دیر. شونده ی بولیب اوروش نینگ سوریه گه قنداغ انعکاس قیله جگی موضوعی انیق ایمس. 

تشقی سیاست بوییچه تیکشیرووچی و یازووچی جان اجون نینگ موضوع بوییچه تحلیل یازووینی تقدیم ایته میز.

اسرائیل – حماس اوروشی نینگ سوریه گه تیگیشلی تامانیده اینگ بویوک اکتور حزب الله اوله راق کوریلیشی ممکن. بیراق حسن نصرالله نینگ سونگگی بیاناتلری حزب الله نینگ ساووق بحران گه دوام ایتیریب اوروش گه اره لشمسلیگینی کورستگن دیر. ایککینچی بیر اکتور اوله راق امریکا قوشمه ایالتلری بیلن شیعی جنگریلر اورته سیده حربی بحران بیر تاثیر قالدیرووچی عنصر ایتیب کوریلیشی ممکن. اسرائیل نینگ غزه گه ییر عملیاتی گه باشله گن حالده ایران نینگ یمن ده گی حوثیلرنی اورته گه تشلب اوروش نینگ اکتیب بیر جبهه سی بولیشدن اوزاق توره جگینی کورستماقده. عراق بیلن سوریه ساحه سیده امریکا قوشمه ایالتلری بیلن یوزبیرگن حربی بحران نینگ هم اوتمیشده هم کوریلگن لیگی حربی تلفات بیلن نتیجه لنیشدن اوزاق ایکن لیگینی ایتیش ممکن. شونده ی بولیب اسرائیل – حماس اوروشی نینگ سوریه گه انعکاسلری نینگ محدود بولیش احتمالی بارلیگی ایتیله دی.

شونده ی بولیب امریکا قوشمه ایالتلری شرقی اورته ییر دینگیزیده گی تیارگرلیگی ایران گه قرشی بیر قورقیتووچی ایتیب کوریلیشی کیره ک. امریکالیک ییتکچیلرنینگ هم شونقه بیاناتلری نینگ بارلیگی اوروش نینگ غزه ده باشلب اداغگه ییتیب باریشی بوییچه بیر سیاست نی کورسته دی. اسرائیل هم بونی قبول ایتگن شکللی. بیراق اسرائیل نینگ غزه نی بوتونله ی کنترول آستیگه آلیش نی مقصد قیلگن بیر یانداشوو ایچیده بولگن تقدیرده قریب 2.3 میلیون غزه لیک نینگ سیناگه بدرغه قیلینیشی معناسیگه کیله دی. اردون بونی اوروش سببی ایتیب اته ماقده دیر. عیندمده مصرنینگ هم بونی قیزیق چیزیق ایتیب کورماقده دیر. اصل مسئله شو منطقوی اوروش نینگ بو جایده ایکن لیگینی ادعا ایتیش ممکن.

ساحه ده گی وضعیت گه قره گنده اسرائیل نینگ غزه گه یوتوقلی آلغه بارمه گن لیگی کوریلماقده. مسکونی منطقه لردن تشقری یوللر و مسکونی بولمه گن ساحه لرنی کنترول آستیگه آلیش گه اورونگن لیگی عیندمده شمال تامانیده ساحل گه هم باریب غزه نینگ شمالینی محاصره قیلیش اورونیشیده بولگن لیگی کوریله دی. بیراق حماس نینگ تونل ترماقلری طفیلی اسرائیل نینگ منطقه نی بوتونله ی محاصره آستیگه آلیشی قیین کوریله دی. اسرائیل نینگ 7 اکتوبردن بیری آلغه باریش سرعتی گه قره گنده اوروش نینگ اوزاق مدت دوام ایتیشی نینگ ممکن ایکن لیگینی؛ اسرائیل نینگ غزه نی بوتونله ی کنترول آستیگه آلیشی جوده قیینله جگی و کونسایین خلق ارا همجمعیت باسیمی نینگ کوپه یشی کوتیله دی. 

تشقی سیاست بوییچه تیکشیرووچی و یازووچی جان اجون نینگ موضوع بوییچه تحلیل یازووینی تقدیم ایتدیک.