اورته شرقده اوروش
تحلیل و تیکشیروو
اورته شرقده اوروش
حماس گه باغلیق قسام کوچلری بیلن ایریم مقاومت کوچلری تامانیدن غزه ده جایلشگن ایریم فلسطینلیک گروپلر اقصی طوفانی آتی بیلن اسرائیل گه قره ته کوتیلمه گن بویوک بیر حربی عملیاتگه قول اوریشیدن کیین اوروش باشلب کیتدی. اسرائیل ایسه ایلک شوک قورقووینی اوتکزگندن کیین غزه گه قره ته آغیر هوا بمباردمانلریگه باشله دی. اسرائیل اردوسی منطقه گه قره ته ییردن عملیات تیارگرلیگی کورماقده. اسرائیل نینگ عملیات شکلی غزه دن فلسطینلیکلرنی بدرغه قیلیب چیقریش. ینه لبنان اسرائیل چیگره سیده اسرائیل بیلن توقنه شوولرنینگ باشلشی منطقه ده بویوک بیر اوروش گه سبب بولیش خطرینی کورسته دی.
تشقی سیاست بوییچه تیکشیرووچی و یازووچی جان اجون نینگ موضوع بوییچه تحلیل یازووینی تقدیم ایته میز.
7 اکتوبرده حماس نینگ قوراللی ترماغی بولمیش عزت الدین قسام کوچلری و اولر بیلن بیرگه لیکده ایریم فلسطینلیک مقاومتچی ساختارلر اسرائیل استخباراتی و اردوسی کوتمه گن بیر پیتده کتته بیر حربی عملیات باشلتدی. اسرائیل حربی مرکزینی بیر آنده قولگه کیریتیب آلدی. مقاومتچی گروپلر ایش آلگن ینگی حربی تخنیک اسرائیل نی شوک قیلدی. اسرائیل اردوسی جواب بیریش گه قینلدی. فلسطینلیک گروپلر غزه نینگ 2-3 قواتی منطقه نی قیسقه مدتلیک قولگه کیریتیش گه موفق بولدی. فلسطینلیک جنگری منطقه ده گی اسرائیل اشغال ایتیب آلگن مسکونی منطقه لرگه کیریب بو جایلرنی قولگه کیریتیش گه موفق بولدی و کوپ سانده کیلگیندینی اولدیریلدی. آرتیدن 250 اطرافیده ایکن لیگی اوستیده باش قاتیریلگن حربی و کیلگیندینی اسیر آلیب غزه گه آلیب کیلتیردی. عین حالده اسرائیل گه قره ته راکت باران قیلیندی.
اسرائیل بویوک بیر شوک و قورقوو یشه دی. غزه نینگ تیگره گیده گی حربی کوچلرنینگ ضعیفلتیلیشی و اسیر آلینیشی بوندن آلدین هیچ کورمه گن بیر قورقوو یشه تدی. امریکا قوشمه ایالتلری تیزلیک بیلن حربی همکارلیک بیاناتلری بیریب هوا کوپریکی ایجاد ایتیش گه مجبور قالدی. اسرائیل اردوسی ایسه جواب بیریب حربی عملیات آرقه لی قولدن بیرگن جایلرنی قیتریب آلدی و غزه گه قره ته آغیر بمبارمان گه باشله دی. اوزاق ییللردن بیری غزه ده بولگن محاصره کوچه یدی و منطقه نینگ برق و سووینی هم کیسیب تشله دیلر و عمومی بیر جزالنتیریش باشلتدیلر. اسرائیللیک حربی و سیاسی ییتکچیلری جوده قتّیق بیاناتلر بیررکن بیر ییر عملیاتی اوچون تیارگرلیک کوریلگن لیگی هم ایتیلماقده. غزه نینگ آست و اوست قوریشلری هدف آلینماقده. شونده ی بولیب غزه ده 5 مینگدن آرتیق انسان اولدیریلدی بولرنینگ کوپراغی خاتین - قیز و باله لردن عبارت. اسرائیل آچیق بیر شکلده فلسطینلیکلرنی غزه دن هید ه ب سینا یریم آرالی گه بدرغه قیلیش اورونیشیده. قسام ایسه اوزاق مدتلیک بیر ییر اشغالی گه تیارگرلیک کورگن وضعیتده. غزه نینگ آستی یوزلب کیلومترلیک تونل ترماقلری بیلن اوگیریلگن و موضعی اوروشی کوتیله دی.
غزه ده اروش جرمی گه قول اوررکن اسرائیل نینگ شمالیده جایلشگن لبنان چیگره سیده هم 7 اکتوبردن بوگونگچه وقت وقتی بیلن توقنه شوولر یوزبیرماقده. اسرائیل اردوسی بیلن حزب الله کوچلری بیر بیرینی اورماقده. حلی گچه تام بیر اوروش گه ایلنمه گن بیراق ایککی تاماندن هم تلفات یوزبیرگن وضعیتده. بیراق بو اوزارا توقنه شوونینگ کنترولدن چیقیشی ممکن. ایران گه باغلیق بیر مقاومت گروهی نینگ بیر پارچه سی بولمیش حزب الله اسرائیل بیر ییر عملیاتی گه قول اورگنده بوتونله ی اوروش گه اره لشیش بیلن تهدید ایتماقده. ایرانگه باغلیق ایریم گروپلر هم امریکا قوشمه ایالتلری نینگ عراق و سوریه ده گی حربی مرکزلریگه هجوم اویوشتیریش گه باشله دی.
شونده ی بولیب اسرائیل اردوسی غزه گه هجوم اویوشتیریش گه دوام ایتماقده. بیر ییر عملیاتی باشلتگن تقدیرده اوروش نینگ منطقوی لشیب باریشی هم ممکن. امریکا قوشمه ایالتلری نینگ حربی سوقیات قیلیشی هم دقت تارتماقده. گیریتدن قبرس گچه امریکا قوشمه ایالتلری بویوک بیر اوروش اوچون تیارگرلیک ایچیده کبی کوریلماقده. غربی کوچلر ایسه بی ملال اسرائیل نی قوللب – قوتلشی اسرائیل نی تاباره وحشیلشتیرر ایکن اورته شرق نی فلاکت سری آلیب بارماقده. امریکا قوشمه ایالتلری قاله ویرسه غرب دولتلری اوز منفعتلریدن تشقری اسرائیل تامانیدن ناتوغری سوق ایتیلماقده. وضعیت هیچ کیم نینگ فایده سیگه بولمه گن بیر بحران دالغه سینی یوزه گه چیقره دیگن شکللی.
تورکیه بو وضعیتدن چیقریش اوچون تیزده آتشکیسین و بیر سیاسی ییچیم تکلیف ایتماقده. جمهور باشلیغی ایردوغان اسرائیل نینگ غزه ده گی قیرغینی تاباره کوچه ییب بارگن حالده حلی هم ییچیم اوچون اورونیب تورگن وضعیتده. بیر ضمانت دایره سیده ییچیم تکلیفی بیلن مداخله ایتماقده. عکسی حالده برچه ضرر کوره دیگن بیر گردابدن چیقیش نینگ قیین ایکن لیگینی اورغوله ماقده. آلدین بیر آتشکیسین، اسرائیل و فلسطینلیک اسیرلرنینگ قوییب یوباریلیشی، غزه محاصره سیدن وازکیچیلیشی و تورک حربیلری قاله ویرسه تینچلیک کوچی نینگ غزه ده جایلشیشی کیین ایسه بویوک بیر خلق ارا کنفرانس اویوشتیریلشی کبی انیق تکلیفلری دقت تارتماقده.
تشقی سیاست بوییچه تیکشیرووچی و یازووچی جان اجون نینگ موضوع بوییچه تحلیل یازووینی تقدیم ایتدیک.
