تورکیه نینگ مدافعه صنایعی حقیده تحلیل یازووی

تورکیه مدافعه صنایعی حقیده تحلل یازووی

تورکیه مدافعه صنایعی بیر یولدوز کبی پارلش گه دوام ایتماقده. سونگگی ییللرده تیپه گه قره ب بارگن سکتور اینیقسه 2022 ییلی اینگ تیپه گه چیقدی. تورکیه مدافعه صنایعی و هواچیلیک سکتوری 2022 ییلی ایچیده 4.3 ملیارد دالر ارزیشیده صادرات قیلدی. 2021 ییلی 3.2 میلیارد دالر صادرات قیلیب او پیتگچه بولگن صادرات ریکوردی اورنه تگن تورکیه مدافعه صنایعی و هواچیلیک سکتوری ینه ینگی بیر ریکورد اونه تگن بولدی.   

تشقی سیاست تیکشیرووچیسی جان اجون نینگ موضوع بوییچه فکر و ملاحظه لرینی اعتبارینگیزگه حواله ایته میز

عدالت و ترقیات حزبی اقتداری نینگ ایلک دوریدن اعتباراً ستراتیژیک بیر سکتور ایتیب کوریلگن تورکیه مدافعه صنایعی و هواچیلیک سکتوری آدیم آدیم کوچه ییب بارماقده. اینیقسه سونگگی ییللرده بیر یولدوز کبی پارله گن سکتورده فقط 2022 ییلی 4.3 میلیارد دالرلیک صادراتگه ییتگن وضعیتده. شونده ی بولیب 2022 ییلی اوچون هدفلنگن 4 میلیارد دالرلیک صادرات حجمی آشیلگن بولدی. سکتورنینگ صادرات بوییچه بیرینچیسی ایسه 2021 ییلیده گی کبی بیراقدار شرکتی بولدی. ت ب2 لرنی هم ایشلب چیقرگن بو شرکت 2022 ییلی ایچیده 1.18 میلیارد دالر صادرات قیلدی. 50 میلیارد دالرلیک بیر اوسیش گه ایریشگن تورکیه مدافعه صنایعی سکتوریده انچه شرکت گلوبال مقیاسده تیپه گه چیقماقده. دنیا مقیاسیده انچه اولکه گه صادرات ترماغینی آشیریش قاله ویرسه انچه تورک شرکتی دنیا مقیاسیده اینگ یخشی 100 شرکت قطاریده اورین آلدی. 7 ته تورک شرکتی مدافعه صنایعی ساحه سیده یوکسک کیفیتلی گلوبال رقابت رویخطی گه کیرگن وضعیتده. اینیقسه عسلسان، تای TAİ کبی تورک شرکتلری مهم یوتوقلر قولگه کیریتماقده.

تورکیه تشقی سیاستده مستقل بیر شکلده اوز منفعتلریگه اهمیت بیریب سیاست آلیب باررکن افسوسکی غربی متفقلری تامانیدن جدی چیکلاولرگه دوچ قالدی. اینیقسه قورال چیکلاولری تورک اردوسی نینگ کوچلی لیگینی هدف آلدی. بیراق بو چیکلاولر تورکیه نینگ قرارلی لیگینی کوچه یتیرر ایکن غیر مستقیم تورک مدافعه صنایعی نینگ هم کوچه یشی گه حصه قوشگن بولدی. بوگونگی کونده تورکیه اردوسی نینگ احتیاجلری نینگ 80 فایزی ملی تولید امکانلری بیلن تامین ایتیلماقده. سکتور میلیاردلب دالرلیک صادرات قیلیش وضعیتی گه کیلدی. البته کی تورکیه نینگ بو ساحه ده تینگداشلریدن اجره تگن مهم خصوص اکتیف اوله راق توقنه شوولرنینگ ایچیده اورین آلگن، چیگره دن تشقری کینگ کولملی حربی عملیاتلر اویوشتیرگن بیر اولکه بولیشی دیر. شونده ی بولیب تورکیه هم ساحه ده گی احتیاجلرینی بیله دی همده تولید ایتگن قورال سیستملرینی اکتیف اوله راق سینش و تاباره کوچه یتیریش چانسی قولگه کیریته دی. اینیقسه قوراللی درون ساحه سیده تورک شرکتلری اوروش نینگ طبیعتی گه اوزگریش کیلتیرووچی اولچکده ینگیلیکلر کیلتیریب سکتورده بیرینچی اورین گه کیلگن وضعیتده. عراق، سوریه، لیبیا، آذربایجان کبی اولکه لرده هم درونلرگه کوره اوروش شکلی آلیب باریلدی و درونلر ساتیب آلدی. اونلب اولکه ایسه ساتیب آلیش اورونیشیده دیر. تورک درونلری تورلی شرطلرده یوتوق قازانگن نایاب سیستملردن بیرته سی دیر.

تورکیه نینگ بویوک دولت بولیش یولی گه آلغه باریشی گه حصه قوشه دیگن سکتورلردن بیرته سی مدافعه صنایعی دیر. موجود حکومت بو درکی بیلن سکتورنی قوللب – قوتلش گه دوام ایته جگی کوریله دی. مدافعه صنایعی باشقرووی تورک مدافعه صنایعینی 2053 ییلی گچه 100 فایز مستقل وضعیت گه کیلتیریش و صادرات ظرفیتینی 50 میلیارد دالرگه کوتریش نی مقصد قیلیب آلماقده دیر. عدالت و ترقیات حزبی اقتداری 2003 ییلیدن بیری سکتورنی جدی شکلده قوللب – قوتله گن بولسه ده سونگگی پیتلرده تورک حربی صنایعی ساحه سیده کینگ قمراولی بیر اوزگریش جریانی یوزبیرگندیر. 2016 ییلیده گی ناموفق تونتروو تشبثیدن کیین مدافعه صنایعی نینگ جمهور رئیسلیک که باغلنیشی و مدافعه صنایع باشقرووینی تشکیل ایتیلیشی هم بونگه تاثیر قالدیرگن دیر. شونده ی بولیب مدافعه صنایعیده گی آلغه باریش و یوتوق تاباره کوچه یشی کوتیلماقده.   

تشقی سیاست تیکشیرووچیسی جان اجون نینگ موضوع بوییچه فکر و ملاحظه لرینی اعتبارینگیزگه حواله ایتدیک.