اسرائیل نینگ سوریه ده هوا قونلغه سی گه هجوم اویوشتیرگن لیگی بیلدیریلدی

اسرائیل نینگ سوریه ده گی حلب هوا قونلغه سی گه هوا هجومی اویوشتیرگن لیگی بیلدیریلرایکن, اوشبو حادثه عاقبتیده 36 نفر حربی نینگ حیاتینی یوقاتگن لیگی معلوم قیلینماقده. 

اسرائیل نینگ, سوریه نینگ شمالغربیده حلب ولایتیده گی هوا قونلغه سی بیلن مدافعه فابریکه لری گه هوا هجومی اویوشتیرگن لیگی بیلدیریلدی. 

سوریه حکومتی گه یقین اجتماعی ترماقلر, اسرائیل گه عاید اوروش اوچاق لری نینگ خلق ارا هوا قونلغه سی بیلن السفیره تومنیده گی مدافعه فابریکه لرینی بمباران قیلگن لیگی نی بیلدیردی.  سوریه اردوسی گه باغلیق هوا مدافعه سیستم لری نینگ دشمن راکت لریگه جواب قیترگن لیگی معلوم قیلیندی.  

اوشبو هجوم بیلن علاقه لی حاضرچه تامان لر طرفیدن هیچ قنده ی بیر بیانات بیریلمس ایکن, سوریه انسان حق لرینی کوزه تیش تشکیلاتی ایسه کمیده 36 سوریه لیک حربی نینگ حیاتینی یوقاتگن لیگی و کوپلب کیشی نینگ یره لنگن لیگی نی بیلدیردی. 

اسرائیل سوریه ده ایچکی اوروش نینگ باشله گن میلادی 2011- ییلدن بیری ایریم پیتلرده حلب و دمشق هوا قونلغه لری, ایران حمایه سیده گی گروه لر و سوریه اردوسی گه عاید حربی مرکز لر گه قره ته هجوم اویوشتیریب کیلماقده.