یمن ده گی حوثی لر اسرائیل نینگ کیمه سی نی اورگن لیک لرینی بیلدیردی

یمن ده گی رهبریت قوللریده بولگن حوثی لر, عدن کورفزیده بیر اسرائیل کیمه سی نی اورگن لیک لرینی بیلدیردی. 

حوثی لرنینگ حربی سوزچیسی یحی سریع, بیرگن بیاناتیده, عدن کورفزیده اسرائیل کیمه سی ام اس سی داروین نی راکت لر و اوچووچیسیز اوچاق لر بیلن اورگن لیک لری و هدف لری گه نایل بولگن لیک لرینی معلوم قیلدی. 

سریع, اسرائیل نینگ جنوبی ده گی قیرغاق شهری دن عبارت ایلات ده گی هدف لر نی هم راکت لر بیلن اورگن لیک لرینی بیلدیردی.

حوثی کوچ لری نینگ قیزیل دینگیز, عمان دینگیزی و هند اوقیانوسیده اسرائیل و اوشبو اولکه بیلن ارتباطی بولگن لرنینگ کیمه لری گه مانع بولیش نی دوام ایتدیریاتگن لیگینی بیلدیرگن سریع, "دشمن اسرائیل نینگ اشغال آستیده بولگن فلسطینده گی هدف لری گه قرشی ینه ده کوپراق حربی عملیات اویوشتیریش گه دوام ایته میز.  فلسطین خلقی نی حمایت قیلیش بوییچه عملیات لری میز اسرائیل نینگ هجوم لرینی توخته مس لیگی و غزه نواریده گی محاصره نینگ اداققه ییتمس لیگی تقدیرده دوام ایته دی" دییه قید ایتدی. 

ایران حمایه سیده گی حوثی لر, اسرائیل نینگ غزه ده 7- اوکتوبرده باشله گن هجوم لری گه عکس العمل کورسه تیش مقصدی بیلن 31- اوکتوبردن بیری یمن دن اسرائیل شرکت لری گه باغلیق بولگن تجاری کیمه لرنی آلیب قویماقده و ایریم لری گه هوا و راکت هجومی اویوشتیریب کیلماقده. 

حوثی لر نینگ اوشبو هجوم لری آرتیدن کوپلب کیمه چیلیک شرکت لری, قیزیل دینگیزده گی فعالیت لرینی توخته تیب قویدی.