سومالیاده ترور تشکیلاتی الشباب گه قره ته حربی عملیات اویوشتیریلدی

سومالیاده ترور تشکیلاتی الشباب گه قره ته آلیب باریلگن هوا عملیاتیده 70 ته تروریست جنگری تاثیرسیز وضعیت گه کیلتیریلدی.

علاقه وزیرلیگی تامانیدن بیریلگن یازمه بیاناتده، مودوگ منطقه سیده ترور تشکیلاتی الشباب گه قره ته هوا عملیاتی اویوشتیریلگن لیگی بیلدیریلدی.

خوددی شو هوا عملیاتیده 70 ته تروریست جنگری نینگ تاثیرسیز وضعیت گه کیلتیریلگن لیگی معلوم قیلیندی.

اوشبو ترور تشکیلاتی گه قره ته خوددی شو منطقه ده چهارشنبه کونی اوتکزیلگن عملیاتلرده هم 150 دن آرتیق الشباب اعضاسی نینگ اولدیریلگن لیگی قید ایتیلدی.

سومالیا اردوسی ترور تشکیلاتی الشباب گه قره ته عملیاتلر آلیب باررکن تروریست جنگریلر ایسه تینچ اهالی بیلن عسکری منطقه لرنی آماج قرار بیرماقده.