جهان بویلب یوزلب قاچاق مهاجر حیاتینی یوقاتدی

میلادی 2014- و 2023- ییل لر آره سیده جهان بویلب 62 مینگ 285 نفر قاچاق مهاجر نینگ حیاتینی یوقاتگن لیگی یاکه لادرک یوقالگن لیگی بیلدیریلدی. 

خلق ارا مهاجرت تشکیلاتی نینگ ییللیق راپوریده, اوشبو تاریخ لر آره سیده حیاتینی یوقاتگن لیگی یاکه لادرک یوقالگن لیگی اویلنگن 62 مینگ 285 قاچاق مهاجر نینگ 28 مینگ 854 نفری نینگ افریقالیک ویا آسیالیک ایکن لیک لری, بو کیشی لر نینگ آقدینگیز دن اوتماقچی بولیاتگن پیتده اولگن لیک لری معلوم قیلیندی. 

راپورده, اوشبو قاچاق مهاجر لردن کیملیک لری انیقله نه آلگن لر آره سیده اوچدن بیر قسمی دن آرتیق بیر بولیمی نینگ افغانستانلیک, بورمالیک, سوریه لیک و اتیوپیالیک ایکن لیک لری بیلدیریلدی. 

عینی دمده, خلق ارا مهاجرت تشکیلاتی, سونگّی 10 ییلده اینگ کوپ قاچاق مهاجر نینگ میلادی 2023- ییلده حیاتینی یوقاتگن لیگی نی معلوم قیلدی. 

اوتگن ییلده 8 مینگ 541 نفر قاچاق مهاجر آقدینگیز دن اوتماقچی بولیاتگن پیتده حیاتینی یوقاتدی.