برازیل ده طبیعی آفت طفیلی اونلب کیشی حیاتینی یوقاتدی

برازیل نینگ اسپریتو سانتو ایالتی بیلن ریودوژانیرو شهریده کوچلی یاغینگرچیلیک طفیلی ییر سیلجیشی یوزبیرگن لیگی عاقبتده 23 کیشی نینگ حیاتینی یوقاتگن لیگی بیلدیریلدی.

اسپریتو سانتو ایالتی ییتکچیلری، کوچلی یاغینگرچیلیک نتیجه سیده یوزبیرگن ییر سیلجیشی عاقبتیده حیاتینی یوقاتگنلر حقیده بیانات بیردی.

خوددی شو بیاناتده، یوز بیرگن ییر سیلجیشی عاقبتیده اولگنلر سانی نینگ 23 گه ییتگن لیگی قریب 5 مینگ کیشی نینگ اوی – جایینی ترک ایتیب بدرغه بولگن لیگی قید ایتیلدی.

اسپریتو سانتو ایالتی بیلن ریودوژانیرو شهریده توناون کونی ییر سیلکینیشلری طفیلی 12 کیشی نینگ اولگن لیگی بیلدیریلگندی.

ریودوژانیرو شهریده کوچلی طوفان طفیلی "فوق العاده وضعیت" ایتیب اعلان ایتیلگن لیگی، پتروپولیس شهریده ایسه بعضی بیر اویلرنینگ ییقیلیب کیتگن لیگی و 500 کیشی نینگ اوی – جایینی ترک ایتیب بدرغه بولگن لیگی افاده ایتیلدی.

هواشناسلیک باشقرووی هم کوچلی یاغینگرچیلیک و طوفان نینگ ینه بیر مدت دوام ایتیشی نینگ کوتیلگن لیگینی بیلدیردی.