زلنسکی: روسیه نینگ بیرلشگن ملتلر تشکیلاتیده گی حق لریدن محروم قیلینیشی کیره ک

اوکراین جمهوررئیسی ولادیمیر زلنسکی, "تروریزم دولتی" دن عبارت بولیش بیلن عیبله گن روسیه نینگ تروریستیک فعالیت لری نی توختتگونگه قدر بیرلشگن ملت لر تشکیلاتیده گی حق لری دن محروم قیلینیشی کیره ک ایکن لیگی نی بیلدیردی. 

اوکراین روسیه نینگ هجوم لری نی آرتیریشی و کریمینچوک ده گی مارکیت نینگ اوریلیشی آرتیدن بیرلشگن ملتلر تشکیلاتی خوفسیزلیک کینگشی نی ییغیلیش اوتکزیش گه چقیردی. 

اوروش نینگ باشله گن کوندن بیری بیرلشگن ملتلر تشکیلاتی خوفسیزلیک کینگشیده ایکّینچی مرته معروضه قیلگن زلنسکی, روسیه نینگ اوکراین گه شنبه کونی 62 و یکشنبه کونی ایسه 26 راکت آتگن لیگی نی بیلدیردی. 

زلنسکی, بیرلشگن ملت لر تشکیلاتی نی 18 کیشی نینگ حیاتی نی یوقاتیشی گه سبب بولگن مارکیت گه قره تیلگن هجوم بوییچه تیرگاو اوتکزیش گه چقیردی. 

زلنسکی, روسیه نینگ بیرلشگن ملتلر تشکیلاتی عمومی کینگشی و بیرلشگن ملتلر تشکیلاتی خوفسیزلیک کینگشی ده اورین آلمس لیگی کیره ک ایکن لیگی نی بیلدیردی. 

بیرلشگن ملتلر تشکیلاتی عمومی سکرتری نینگ سیاسی ایش لر بوییچه مسئول اورینباسری روزماری دی کارلو ایسه اوروش نینگ باشله گن کوندن بیری اوکراین ده 4 مینگ 731 کیشی نینگ حیاتی نی یوقاتگن لیگی نی معلوم قیلدی.