امریکا قوشمه ایالتلریده قوراللی هجوم اویوشتیریلدی؛ کوپلب کیشی حیاتی نی یوقاتدی

امریکا قوشمه ایالتلری نینگ تگزاس ایالتیده بیر مکتب ده اویوشتیریلگن قوراللی هجوم عاقبتیده 21 کیشی حیاتی نی یوقاتدی. 

اولگن لرنینگ 18 نفری نینگ باله و 3 کیشی نینگ ایسه کتته ایکن لیگی معلوم قیلیندی. 

تگزاس سناتوری رولاند گوتریز, سی ان ان بیلن قیلگن مصاحبه سیده, حادثه ده حاضرچه 20 کیشی نینگ حیاتی نی یوقاتگن لیگی نی بیلدیردی. 

اووالد قصبه سیده گی راب ابتدائیه مکتبی گه قوراللی هجوم اویوشتیرگن هجومچی سالوادور راموس نینگ (18 یاشلی) ایسه پولیس بیلن توقنه شیشی آرتیدن تاثیرسیز وضعیت گه کیتیریلگن لیگی بیلدیریلدی. 

خوددی شوو قصبه نینگ اوزیده یشیاتگن راموس نینگ, اوشبو ابتدائیه مکتبی نینگ یقینی ده گی بیر لیسه ده اوقووچی ایکن لیگی بیلدیریلرایکن, پولیس حادثه نینگ سببی حقیده حاضرچه بیانات بیرمه گن. 

امریکا قوشمه ایالتلری دولت رهبری جو بایدن, اوشبو قوراللی هجوم بیلن علاقه لی بیرگن بیاناتیده, "ای خدایا قچان ایندی قورال لوبی سی گه مخالفت قیله میز" دییه قید ایتدی. 

بایدن آق اویده ترتیب له گن مطبوعاتی کنفرانسیده, بوندن 1 هفته آلدین هم نیویورک نینگ بوفالو شهریده بیر قوراللی هجوم اویوشتیریلگن لیگی نی معلوم قیلگن بایدن, امریکا ده قوراللی هجوم لرنینگ آرتیب باریاتگن لیگی نی بیلدیردی. 

ملی معارف اویوشمه سی, تگزاس ایالتی اوقیتووچی لر اویوشمه سی بیلن بیرگه بیرگن بیاناتیده, "دولت مکتب لری میز نینگ اوقووچی لر و اوقیتووچی لری میز اوچون اینگ امنیت جای لردن عبارت بولیشی کیره ک.  سیاستچی لرنینگ مسئولیت آلیب قورال خوفسیزلیگی بوییچه مسئله نی ییچیش اوچون ینه نیچه هجوم اویوشتیریلیشی کیره ک؟" دییه قید ایتدی.

امریکا قوشمه ایالتلری اوقیتووچی لر فدراسیونی باشلیغی راندی وینگارتن هم اوشبو هجوم گه عکس العمل کورسه تیب, "فقط گینه بو اولکه ده آته- آنه لر باله لری نینگ مکتب ده امنیت ده ایکن لیک لری گه ایشانمه یدی" دییه قید ایتدی. 

سی ان ان, امریکا ده جاری ییلده سونگّی حادثه دن تشقری تعلیمی موسسه لرده اویوشتیریلگن 38 قوراللی هجومده کمیده 10 کیشی نینگ حیاتی نی یوقاتگن لیگی و 51 نفر نینگ ایسه یره لنگن لیگی نی معلوم قیلدی.