پوتین اردوغان گه تبریک پیامی یوباردی

روسیه جمهوررئیسی ولادیمیر پوتین, ینگی ییل مناسبتی بیلن تورکیه جمهوریتی جمهوررئیسی رجب طیب اردوغان گه تبریک پیامی یوباردی. 

روسیه جمهوررئیسلیک قصری (کرملین) تامانیدن بیریلگن بیانات گه کوره پوتین, ارودوغان گه یوبارگن پیامیده, کووید 19 پاندمیسی گه قره مسدن, تجارت, اقتصاد, انرژی و حربی تخنیک ساحه لریده روسیه بیلن تورکیه اورته سیده مناسبت لرنینگ رواجله نیشی اوچون سعی و حرکت قیلینگن لیگی نی بیلدیردی. 

فضا نینگ تینچ بیر شکلده کشف ایتیلیشی و کووید 19 واکسین لری نینگ ایشلب چیقاریلیشی بوییچه اوز ارا همکارلیک امکانیت لری نینگ موجود ایکن لیگی نی معلوم قیلگن پوتین, اوشبو پیامیده, "مشترک تشبث لر بیلن منطقه ده برقرارلیک و خوفسیزلیک نینگ کوچه یتیتریلیشی اوچون, دوست بولگن روس و تورک خلق لری نینگ فایده سی گه بوله دیگن خلق ارا موضوع لر باره سیده جدی و فایده لی همکارلیک نینگ ینه ده رواجله نه دیگن لیگی گه ایشانه من" دییه قید ایتدی.