بیرلشگن ملتلر تشکیلاتی خادم و ایش جایلری نینگ خوفسیزلیگینی تامین ایتیش اوچون طالبان گه پول توله گن

بیرلشگن ملتلر شتکیلاتی طالباندن پول عوضی گه افغانستانده گی خادملری و دفترلری نینگ خوفسیزلیگینی سوره گنینی تصدیقله دی.

بیرلشگن ملتلر تشکیلاتی باش کاتبلیک سوزچیلریدن فرهان حق، مطبوعاتی کنفرانسیده اناطولی خبر آژانسی مخبری نینگ بیرلشگن ملتلر تشکیلاتی خوفسیزلیک نی تامین ایتیش اوچون طالبانگه 6 میلیون دالر تکلیف ایتگن می دیر؟ دیگن سوالی گه شو جواب نی بیردی:

"  بیرلشگن ملتلر تشکیلاتی افغانستانده حاضرگی مقاملردن تورلی خیل خوفسیزلیک کفالتلری و یاردم طلب ایتدی. تیزیم خادملریمیزنینگ و دفترلریمیزنینگ خوفسیزلیگی اوچون حساس بولمیش خوفسیزلیک خذمتی تامین ایتووچی پرسونل گه پول توله یدی" دیب جواب بیردی.

حق حاضرگی مقاملر اوله راق دیب اته گن طالبانگه قنچه پول تولنگن لیگی حقیده معلومات بیرمه دی.

نورمال شرطلرده میزبان اولکه لرنینگ خوفسیزلیک نی تامین ایتیش گه مسؤل ایکن لیگینی معلوم قیلگن حق، بیراق بیر نیچه ییلدن بیری قیین ایش فضاسی و افغانستان دولت ییتکچیلری نینگ خوفسیزلیک توغریسیده گی محدود خذمتی باعث بیرلشگن ملتلر تشکیلاتی بیر مدتدن بیری قوشیمچه خوفسیزلیک خذمتلری اوچون بودجه اجره تگن لیگینی ایتدی.