نایجریاده قوراللی گروپلرگه قره ته حربی عملیات اویوشتیریلدی

غربی افریقا اولکه سی نایجریانینگ سوکوتو ایالتیده اویوشتیریلگن هوا عملیاتیده قوراللی جنگریلرنینگ کمپلری نینگ یوق قیلینگن لیگی بیلدیریلدی.

ملی مطبوعاتده اورین آلگن خبرلرگه کوره سوکوتو ایالتیده 45 کیشی نینگ اولدیریلیشی نینگ آرتیدن قوراللی جنگریلرگه قره ته هوا عملیاتی اویوشتیریلدی. حربی عملیاتده جنگریلرنینگ بوکولو منطقه سیده گی کمپلری بمباردمان قیلندی و انچه قوراللی جنگری تاثیرسیز وضعیت گه کیلتیریلدی.  

سوکوتو ایالتی نینگ گورونیو و ایلیلا منطقه سیده 14 و 15 نوامبرده اویوشتیریلگن هجوملرده 45 نفر حیاتینی یوقاتگندی. دولت باشلیغی محمد بخاری، هجوم نینگ آرتیدن سوکوتو ایالتی گه قوشیمچه عسکر جایلشتیریلیشی بوییچه بویروق بیرگندی.

اولکه ده سونگگی پیتلرده قوراللی کیشیلر موترسایکل گه کیلیب هجوملر اویوشتیریشی باعث بعضی بیر ایالتلرده بو واسطه نی منع قیلیب قویگندی.