آلمان باش وزیری بیلن امریکا قوشمه ایالتلری تشقی ایشلر وزیری نینگ اوچره شووی بولیب اوتدی
اوشبو اوچره شوو آلمان نینگ پایتختی برلین ده بولیب اوتدی
آلمان باش وزیری آنگلا مرکل لیبیا خلقی نینگ کیله جگی حقیده اوزلری نینگ قرار بیریشینی خواهله گن لیکلرینی تیلگه آلدی.
آنگلا مرکل لیبیا موضوعلی ایککینچی برلین جلسه سی گه قتنشیش اوچون آلمان نینگ پایتختی گه بارگن امریکا قوشمه ایالتلری تشقی ایشلر وزیری انتونی بلینکن نی قبول قیلیب اوچره شدی.
اوچره شوو آلدی اوتکزیلگن مشترک مطبوعاتی کنفرانسده گپیرگن مرکل بلینکن نینگ بو کنفرانس گه قتنشیشی نینگ جوده مهم ایکن لیگینی تیلگه آلدی.
"لیبیاگه بیلن تیگیشلی مشترک بیر پیام جونه تیشیمیز انچه مهم دیر. لیبیا خلقی نینگ کیله جگی حقیده اوزلری نینگ قرار بیریشینی خواهله یمیز" دیدی.
مرکل عین دمده خلق ارا متفقلرنینگ هم بو توغریده لیبیا بیلن همکار بولیش لری نینگ اهمیتی گه اشاره قیلدی.
"هم افریقا جهتیدن همده افریقا – اروپا مناسبتلری جهتیدن لیبیاده گی وضعیت نینگ ستراتیژیک اهمیتینی برچه میز بیله میز" دیب ایتدی.
امریکا قوشمه ایالتلری تشقی ایشلر وزیری انتونی بلینکن هم لیبیانینگ برقرار، خوفسیزلیک و بیرلیک یولی گه کیزریشینی امید قیلگن لیگینی بیلدیردی.
علاقه لی ینگی لیکلر
سومالیاده ترور تشکیلاتی الشباب گه قره ته حربی عملیات اویوشتیریلدی
اوشبو حربی عملیات نتیجه سیده کوپلب تروریست جنگری نینگ تاثیرسیز وضعیت گه کیلتیریلگن لیگی بیلدیریلدی
