امریکا اوز حربیلرینی ینه افغانستان گه یوباریش نیتیده ایمس

امریکا قوشمه ایالتلری مدافعه وزیرلیگی پینتگون سوزچیسی جون کربی امریکا حربیلری نینگ چیقیشیدن کیین امریکا قوشمه ایالتلری نینگ افغانستانگه قیته دن تروریزم گه قرشی کوره ش کوچلری نینگ جونه تیشی نینگ ممکن ایمس ایکن لیگینی ایتدی.

کونده لیک مطبوعاتی کنفرانسیده امریکا قوشمه ایالتلری نینگ چیقیشیدن کیین افغانستانده وضعیت تاباره یمانلشیب بارگنده منطقه گه تروریزم گه قرشی کوره ش کوچلری نینگ جونه تیشی نینگ ممکن لیگی توغریسیده گی سوالگه کربی شونقه جواب بیردی.

"کابل حکومتی بیلن تروریزم گه قرشی کوره ش کوچلری نینگ افغانستانگه قیته دن جونه تیشی بوییچه هیچ قنده ی اوچره شوو یوق. افغانستاندن یوزه گه چیقه دیگن تهدیدلرگه قرشی منطقه ده ییترلی درجه ده تروریزم گه قرشی کوره شده ظرفیت قویه میز" دیب جوابله دی.

کبری افغانستان گه قیته دن تروریزم گه قرشی کوره ش کوچلری نینگ جونه تیش ریجه لری نینگ موجود ایمس ایکن لیگینی قید ایتدی.

دنیا مقیاسیده کوچلی تروریزم گه قرشی کوره ش قابلیتیمیز بار. دنیاده اورماقچی بولگنده بیز اورالمه یدیگن جای یوق" دیب گپیردی.

امریکا قوشمه ایالتلری دولت باشلیغی جو بایدن 1 می تاریخیدن باشلب امریکا قوشمه ایالتلری حربیلری نینگ افغانستاندن 11 سپتامبرگچه چیقه جگینی بیلدیرگندی.