نایجریاده بیرلشگن ملتلر تشکیلاتی نینگ تاسیساتی گه هجوم اویوشتیریلدی

نایجریانینگ شمال – شرقیده ترور تشکیلاتی بوکو حرام تامانیدن بیرلشگن ملتلر تشکیلاتی نینگ تاسیساتی گه هجوم اویوشتیریشی عاقبتیده 5 کیشی حیاتینی یوقاتدی.

آتینی بیرمه گن مسؤللردن بیرته سی ایتیشیچه بورنو ایالتی نینگ حدودیده گی دماساک منطقه سیده ترور تشکیلاتی بوکوحرام تامانیدن بیرلشگن ملتلر تشکیلاتی نینگ تاسیساتی گه هجوم اویوشتیریلگن.

بو مسؤل کیشی عاقبتده 5 کیشی نینگ اولگن لیگینی ایتدی.

بیرلشگن ملتلر تشکیلاتی بشری یاردم باشقرووی ایدوارد کلون بیگن بیاناتیده خوددی شو هجوم ده 3 ته یاردم تاسیساتی نینگ آماج قرار بیریلگن لیگینی بیلدیردی.

کلون هجوم نی قاره لب 10 ییلدن اوزاق مدتدن بیری اولکه نینگ شمال-شرق تامانیده گی یاردم ملازم و تاسیسات لرنینگ ترور تشکیلاتی نینگ هجوملری گه دوچ قالیب تورگن لیگینی معلوم قیلدی.

هجوم باعث منطقه ده گی یاردم ملازملری نینگ کمه یتیریلیشیدن خبر بیرگن کلون بو کمه یتیریلیش نینگ منطقه ده گی 8 مینگ 800 ته بدرغه بولگن کیشی گه تاثیر قالدیره جگینی قید ایتدی.