نایجریاده قوراللی توده لرگه قره ته عملیات اویوشتیریلدی

نایجریاده قوراللی توده لرگه قره ته اویوشتیریلگن عملیات نتیجه سیده 55 کیشی قولگه آلیندی.

نایجریا اردوسی قومندانلریدن جنرال تاورن لاگبجا ایالتده سونگگی پیتلرده یوز بیریب تورگن هجوملر باعث قوراللی توده لرگه قره ته عملیاتلر اویوشتیریلگن لیگینی ایتدی.

بو عملیاتلر نتیجه سیده 55 ته قوراللی توده منسوبی نینگ قولگه آلینگن لیگینی معلوم قیلگن لاگبجا مهم مقدارده مهمات قولگه کیریتیلگن لیگینی قید ایتدی. لاگبجا قولگه آلینگنلرنینگ محکمه گه سوق ایتیلگن لیگینی بیلدیردی.

ایبونیی ایالتیده 29 مارچ کونی کیچه قوراللی کیشیلر تامانیدن اویوشتیریلگن 4 ایریم هجوم عاقبتیده 27 کیشی حیاتینی یوقاتگندی.