جو بایدن امریکا قوشمه ایالتلری دولت رهبری صفتیده وظیفه گه باشله دی

امریکا قوشمه ایالت لریده 3 نوامبرده بولیب اوتگن سیلاو نتیجه سیده دولت رهبری ایتیب سیلنگن جو بایدن و اورینباسری کامالا هریس, قسم یاد ایتیب وظیفه گه باشله دی. 

کانگرس ده, افغانستان وقتی بیلن 21:30 ده بایدن امریکا قوشمه ایالتلری نینگ 46- دولت رهبری و هریس ایسه 49- دولت رهبری اورینباسری اوله راق قسم یاد ایتدی. 

امریکا قوشمه ایالت لری نینگ ینگی دولت رهبری جو بایدن قسم یاد مراسمی آرتیدن بیرگن بیاناتیده, "بوگون دموکراسی, تاریخ و امید نینگ کونی دیر" دییه قید ایتدی.

بایدن, امریکا نینگ دوچ کیلیب قالگن قیین چیلیک لرنینگ فقط گینه "بیرلیک" بیلن ییچیلیشی نینگ ممکن ایکن لیگی نی بیلدیردی. 

"برچه امریکا لیک لرنینگ دولت رهبری بوله من" دییه قید ایتگن بایدن, اوز سوز لری نی, "متفق لیک مناسبت لری میز نی توزه ته میز و ینه بیر بار دنیا بیلن یقین علاقه قوره میز" شکلیده دوام ایتتیردی.    

کیین دولت رهبری بایدن بیلن عیالی و اورینباسری هریس بیلن ایری اوچون حربی مراسم بولیب اوتدی. 

شونده ی قیلیب اوشبو مراسم بیلن اقتدار تینچلیک سیور بیر شکلده ینگی دولت رهبری و باش قوماندان گه تاپشیریلگن بولدی.