قوش قونمس مسجدی

استانبول ده هیچ قوش قونمه گن بیر مسجد بارلیگینی بیله سیزمی؟

تورکیه نینگ استانبول ولایتی اسکودار منطقه سیده جایلشگن شمسی پادشاه مسجدی دنیا مقیاسیده تن آلینگن معمار سینان نینگ اثرلریدن بیرته سی دیر. اسکودار قیرغاغیده اسکودار بوغزی مرمره دینگیزیگه آچیلگن نقطه ده اورین آلگن بو مسجد دینگیزدن قره گنده زیارت و مدرسه سی بیلن چیرایلی کوریلماقده. مسجدنینگ قاشیده ایسه گالاته کوپریگی و خلیج جایلشماقده.

کیچیک و ساده بیر بنا بولگن مجتمع 2- سلیم بیلن 3- مراد پیتیده وزیرلیک قیلگن شمی احمد پادشاه تامانیدن 1580 ییلی معمار سینان گه ایتیب توزه تتیریلگن دیر. اسکودار قیرغاغینی بیزه گن بو تاریخی قدیم مسجد بیلن تیگیشلی قیزیق حکایه موجود.

شمسی پادشاه، معمار سینان گه اوستیگه قوش قونمه یدیگن و کیرلنمه یدیگن بیر مسجد قوریشینی التماس قیله دی. قورگن برچه مسجدلرنی تورلی قیزیق ریجه لر بیلن قورگن معمار سینان، شمسی پادشاه مسجدی اوچون هم قیزیق نقشه ریجه له یدی. مسجدنی قورمسدن آلدین نقشه ریجه له گن معمار قوشلرنینگ شمال اورگن تاماندن تاثیرلنگن لیگینی بیلگن لیگی طفیلی اسکودارده شمال و جنوب تامانلریدن کیلگن شمال بیرلشگن بیر جاینی تنله یدی و مسجدنی بو جایده قوریش نی ریجه له یدی. عین حالده ایککی تاماندن کیلگن شمال هر دایم اوزلیکسیز جریانده بولگن و دالغه لر قیرغاققه ساوریلگن بو جایده قوشلرنینگ مسجدگه کیلیب قونیشی ممکن بولمه یدی.

1580 ییلی عبادت اوچون خذمت گه توشیریلگن بو مسجد وقت اوتگچ خلق تامانیدن قوش قونمه یدیگن مسجد (اسپره گوس) ایتیب یاد ایتیش گه باشلنگن دیر. استانبول بوغوزی (تنگی) ده جایلشگن و قاشیده بلیق توتیلگن، کتابخانه سیده کتاب اوقیلگن شونده ی بولیب مسجدیده عبادت قیلینگن بو گوزه ل اثر بوگونگی کونده اسکودارنینگ رمزلریدن و استانبول ده گی تاریخی مسجدلردن کیسکین شکلده کیتیب کوریش کیره ک دیب اویلنگن جایلردن بیرته سی دیر.