اسرائیل رفح ده قتل عام اوچون تیارگرلیک کورماقده
برنامه
اسرائیل رفح ده قتل عام اوچون تیارگرلیک کورماقده
اوزاق مدتدن بیری مصر و قطرنینگ واسطه چیلیگیده دوام ایتیب تورگن آتشکیس اوچره شوولری نتیجه سیده حماس آتشکیس کیلیشووینی قبول قیلگن لیگینی اعلان قیلدی. بونینگ آرتیدن خلق ارا همجمعیت بیر آتشکیس کوترکن، نتانیاهو رفح گه هجوم اویوشتیره میز دیب ینه بیر مرته اسرائیل نینگ نیتینی کورستدی. اسرائیل رفح گه هوادن و ییردن هجوم اویوشتیریش گه باشلرکن، نتانیاهونینگ تینچلیک ایمس غزه نی یوق قیلیب تشله ماقچی بولگن لیگی کوریلدی.
تشقی پولیتیکا بوییچه تیکشیرووچی و یازووچی جان اجون نینگ موضوع حقیده گی تحلیل یازووینی تقدیم ایته میز.
ایرائیل 7 اکتوبردن بیر غزه گه رحم قیلمه ی هجوم اویوشتیریش گه دوام ایتماقده. حلی گچه 35 مینگدن آرتیق کیشی حیاتینی یوقاتدی، اسرائیل خاتین – قیز، باله دیمه ی قتل عام قیلماقده. اشغال نینگ باشیدن بیری اسرائیل نینگ هدفی غزه نی ویران قیلووچی بیر بمباردمان بیلن منطقه ده گی انسانلرنی مصر سینا یریم آرالی گه بدرغه قیلیش ایدی. شونده ی بولیب غزه ده گی سونگگی جای رفح هم اسرائیل نینگ هدفیده دیر.
رفح شهری غزه نینگ مصر بیلن چیگره داش و چیگره ایشیگی جایلشگن بیر منطقه. اسرائیل محاصره سیگه قرشی غزه اوچون دنیاگه آچیلگن بیر ایشیک وضعیتیده ایدی. خلق ارا یاردملر هم عموماً بو جایده ییتکیزیلماقده ایدی. شونده ی بولیب اسرائیل نینگ تاباره کوپه ییب بارگن اشغال و قتل عاملریگه قرشی بیر یریم میلیوندن آرتیق غزه لیک هم رفح منطقه سیگه پناه کیلتیرگن وضعیتده. اسرائیل ایندی رفح نی هم آماج قرار بیریب کتته بیر قتل عام گه تیارگرلیک کورماقده.
اوزاق مدتدن بیری مصر و قطرنینگ واسطه چیلیگیده دوام ایتیب تورگن آتشکیس اوچره شوولری نتیجه سیده حماس آتشکیس کیلیشوو شرطلرینی قبول قیلگن لیگینی همجمعیت گه اعلان قیلگن بیر پیتده اسرائیل کیلیشوو شرطلرینی تن آلمه گن لیگینی اعلان قیلیب رفح گه هجوم اویوشتیریش گه باشله دی. هم ییردن همده هوادن هجوم اویوشتیریش گه باشله گن اسرائیل اردوسیگه باغلیق زره واسطه لر رفح چیگره ایشیگینی هم اشغال ایتیب آلدیلر. شونده ی بولیب مصر تامانیدن کیلگن یاردملر هم توخته تیلگن بولدی. رفح گه قره ته هجوملرنینگ کوپه ییشی اون مینگلب انسان نینگ حیاتینی یوقاتیشی گه سبب بوله دی. نتیجه ده انچه تار بیر ساحه ده بیر یریم میلیون انسان بار. اسرائیل قصدلی بیر شکلده رفح نی هم آماج قرار بیریب غزه لیکلرنی مصرگه، سینا یریم آرالی گه سورگون قیلماقچی. بو آچیق بیر بدرغه قیلیش و قیرغین اورونیشی. امریکا قوشمه ایالتلری کبی اسرائیل نی شرطسیز قوللب – قوتله گن اولکه لر هم بیر شکلده نتانیاهوگه باسیم قیلیب غزه گه قره ته هجوملرنی توخته تیش اورونیشیده، بیراق اسرائیل نتانیاهونینگ اوروش کابینه سی بیر قتل عام قیلیش گه نیتی بار کوریله دی.
تورکیه قاله ویرسه تورلی مملکتلر اورونیش آلیب بارگن حالده افسوسکی اسرائیل گه مانع بولووچی بیر کوچ تشکیل تاپگن یوق. گلوبال وجدان حرکت گه اوتیب دنیا مقیاسیده مظاهره لر اویوشتیریشی هم اسرائیل نی توخته تیش گه قادر بولمه یاپتی. تورکیه تشقی ایشلر وزیری خاقان فیدان ایتگندیک زوروانلیک بیلن هم بولسه اسرائیل نی توخته تیش کیره ک.
تشقی پولیتیکا بوییچه تیکشیرووچی و یازووچی جان اجون نینگ موضوع حقیده گی تحلیل یازووینی تقدیم ایتدیک.
