طب نینگ سمبولی ایلان دیر
برنامه
طب نینگ سمبولی ایلان دیر
بوگونگی برنامه ده انسان ذهنیدن یوزه گه چیققن بوگونگی کونده گلوبال مقیاسده ایش آلینگن بیر سمبولدن بحث ایته میز. بوگونگی کونده عموماً قورقوو و جیرکنیش یراتگن ایلان نینگ قنداغ طب علمی نینگ سمبولی بولیشی حقیده گپیره میز.
انسانلیک که تیگیشلی تاپیلمه لر، ایلک انسان جماعتیدن بیری حیوان تصویرلری نینگ حیاتیمیزده بارلیگینی کورستماقده. 45 مینگ ییل آلدیندن بیری تثبیت ایتیلگن ایلک رسملردن بوگونگچه حیوانلر انسان مدنیتی نینگ اساسینی تشکیل ایتماقده. کشف ایتیلیشی بیلن تاریخگه عاید شکللنگن توشونچه نی آغدریش، بوگونگی کوندن 12 ییل آلدین قوریلگن گوبکلی تیپه قاله ویرسه برچه تاریخی جریانلرده حیوانلر هم طبیعت همده سمبولیک معناده انسانلیک اوچون اساسی منبع بولگن دیر.
اسطوره لرنینگ طبیعت حادثه لری اینیقسه ییرتووچی و زهرلی حیوانلر بیرگن قورقوو و انسان نینگ نهایتسیز خیال قیلیش کوچی نینگ بیرلشیشی بیلن یوزه گه چیققن لیگینی ایتیش ممکن. سببی انیق بولمه گن حادثه لرنینگ طبیعتدن تشقری کوچلرنی سبب کوریش حلی هم بار. بو کوچلرنی انگله تیش اوچون تاریخدن آلدینگی پیتلردن بیری حیوانلر تصویرلریدن ایش آلینگن لیگینی بیله میز. اسطوره تصویرلر و سمبوللر بوگونگی کونده کوپراق سیاره آتلری بیلن مطرح بولگن حالده درحقیقت کونده لیک حیاتیمیزده کوپراق کوریلگن نرسه اینیقسه کسلخانه لرده ایلان سمبولیدن عبارت دیر.
بوگونگی کونده لاوری موزیمیده جایلشگن سومر قرالی بیرینچی گودانینگ تاش اوستیده گی عرق (شراب) پیاله سیده بیر بیریگه اوره لگن ایککی ته ایلان نینگ ساغلیک تینگریسی نینگیزیدانی نمایان قیلگن لیگی تخمین ایتیلماقده. قدیم یونان و روما اسطوره سیده هم ایلان طب تینگریسی ایتیب تن آلینگن اسکلیپیوس نینگ اشاره سی دیر. کسللرگه شفا بیرووچی اکسلیپیوس اوستیده ایلان اوره لگن عسا بیلن تصویر قیلینگن. شونده ی بولیب قدیم بین النهر و مصر مدنیتلریده ایلان، یخشیلشتیریش و شفا بیلن تیگیشلی الهی سمبوللر بولیب قاشیمیزگه چیقماقده. ایلان نینگ تیری اوزگرتیریب ینگی بولیش و کسللیکدن هم قوتیلیب ینگیلنیش معناسیگه کیلگن بیر اسطوره اوله راق قدیمی متنلرده اورین آلماقده.
ایلان نینگ کوتیلمه گن حرکتلری و اولدیرووچی زهری یراتگن قورقوو اونی حرمت گه سزاوار، حتی اوندن شفا کوتیلگن بیر اورین گه کیریتگن لیگینی ایتیش ممکن. قدیم انسانلری نینگ بو یانداشووی بوگونگی کونده ایریم شکلده حیاتیمیزده اورین آلگن وضعیتده. ایلان زهری بوگونگی کونده داری صنایعی سکتوری فایده لنگن بیر کیمیاوی ماده دیر. فارماکولوژی نینگ ریشه سی بولمیش فارماکونینگ قدیم یونان تیلیده هم زهر همده داری معنا بیرگن لیگینی ایتیش کیره ک. شونده ی بولیب 1959 ییلیده دنیا طب جمغرمه سی تامانیدن حکیملیک نینگ سمبولی اوله راق تن آلینگن عساگه اوره لگن ایککی ته ایلان نی ایسله تیب اوته میز.
