تورکیه بوندن کیین قنده ی بیر تشقی سیاست آلیب باره دی؟

تورکیه جمهوریتی جمهوررئیسی رجب طیب اردوغان ینه جمهوررئیس ایتیب سیله نیشی آرتیدن عنعنوی بیر شکلده ایلک تشقی سفری نی شمالی قبرس تورک جمهوریتی و آذربایجان گه اویوشتیردی.  ایکله اولکه پایتخت لریده بیرگن بیانات لری, و کیین قیلگن صحبت لری ینگی دورده تورکیه نینگ قنده ی بیر تشقی سیاست آلیب باره دیگن لیگی بوییچه یول کورستماقده.  ایکله اولکه فقط گینه تورکیه نینگ تشقی سیاست اولویت لری جهتی دن ایمس, منطقه مقیاسیده گی رقابت و مسئله لر جهتی دن هم کتته اهمیت گه ایگه.  قبرس تورکیه نینگ شرقی آقدینگیز سیاستی نینگ اینگ مهم قسمی نی تشکیل ایتماقده.  آذربایجان ایسه تورکیه اوچون حیاتی اهمیت گه ایگه بیر اولکه دن عبارت.  اینیقسه قاره باغ ظفری آرتیدن ینه ده مهم اولکه گه ایله نیب قالدی.  جمهوررئیس اردوغان نینگ اوشبو ایکّی سفری دایره سیده تورکیه نینگ ینگی دور تشقی سیاستیده اهمیت گه ایگه بوله دیگن بیر نیچه مهم خصوص توغریسیده سوز یوریتماقچی من. 

ینگی دور نینگ تشقی سیاستی بوییچه اینگ مهم خصوص جمهوررئیس اردوغان نینگ اوزاق ییللردن بیری دوام ایتدیریاتگن رهبرلیک دیپلماسی سیدن عبارت بوله دی. بین المللی سطحده جوده مثبت بیر فکر گه ایگه بولگن جمهوررئیس اردوغان نینگ ینگی دورده خلق ارا مقیاسده گی مسئله لر بوییچه بوندن هم کوپراق اهمیت گه ایگه بوله دیگن لیگی تورگن گپ.  اونینگ باشقه رهبر لر بیلن بولگن ارتباطلری, خلق ارا مقیاسده گی مهم مسئله لرده اوینه گن دیپلماتیک رولی و قرارلی بیر شکلده دنیاده گی مسئله لر گه دقت قره تگن لیگی رهبرلیک محورلی تشقی سیاست گه ینه ده کوپراق اهمیت بیریله دیگن لیگینی کورستماقده.  عینی دمده تورکیه ده گی جمهوررئیسلیک حکومت تیزیمی سببلی اردوغان اوشبو توغریده راحت فعالیت یوریته آله دی. 

ایکّینچی مهم خصوص ایسه تورکیه نینگ سونگّی ییللرده باشلتگن ستراتیژیک اتونومی محورلی تشقی سیاست مفکوره سینی چقورلشتیره دیگن لیگی دن عبارت.  اوشبو وضعیت ایسه ظرفیتی نینگ آرتیب کیتگن لیگی سببلی تورکیه نینگ مستقل بیر تشقی سیاست آلیب باریشینی ینه ده قولای لشتیره دی.  اینیقسه غرب بیلن مناسبتلرده اتونومی ینه ده ستراتیژیک بیر اولویت اوله راق مطرح بولماقده.  زیرا, کوپلب ساحه لر بوییچه تورکیه بیلن غرب اورته سیده اورتاق بولمه گن موضوع لر موجود.  ستراتیژیک اتونومی هدفی نینگ ینگی دورده ینه ده چقورلشتیریلیب دوام ایته دیگن لیگینی بیلدیریشی میز ممکن. 

باشقه بیر اولویت ایسه ینگی دورده کوپراق ایشیتیله دیگن مناسبت لرنینگ عادی لشتیریلیشی دن عبارت بوله دی.  عادی له شیش نینگ اینگ مهم قسمی نی اورته شرقده گی جریان لر تشکیل ایتماقده.  سوریه بیلن دوام ایتیاتگن پروسه نینگ هاکان فیدان نینگ تورکیه جمهوریتی تشقی ایشلر وزیری ایتیب تعینله نیشی بیلن بیرگه ینه ده تیزله شیشی ممکن.  کورفز اولکه لری بیلن بولگن مناسبت لر بوییچه ینگی دور نینگ باشله نیشی احتمالی موجود.  ایران موضوعی بوییچه وضعیت آزگینه فرقلی دیک کورینماقده.  آذربایجان دن قیتیب کیلیاتگن پیتده اردوغان نینگ بیرگن بیاناتلریده ایران نی انیق تنقید قیلگن لیگی انقره بیلن تهران اورته سیده گی مناسبت لرنینگ ینگی دورده بحرانی بوله دیگن لیگینی کورستماقده.  ینگی دور نینگ رقابت محوری نینگ انقره بیلن تهران اورته سیده بولیشی احتمالی موجود.  بو ایسه سوریه, عراق و آذربایجان آرقه لی ایکله اولکه نینگ ینه ده کوپراق رقابت ایته دیگن لیگینی کورستماقده. 

باشقه بیر خصوص عادی له شیش بیلن موازی بیر شکلده آلغه کیته دیگن اقتصادی مناسبت لر گه اهمیت بیریلیشی دن عبارت.  تورکیه نینگ اقتصادی بحران دن قوتیلیشی نینگ بیرته گینه یولی کوپراق صادرات قیلیب اقتصادی کوچی نی آرتیریش دن عبارت خلاص.  بونده ی بیر وضعیتده تشقی سیاستده عادی له شیش و دیپلماسی نینگ اهمیت گه ایگه بولیشی مهم. تجارت دولتی گه تَیَنگن ینگی بیر تشقی سیاست پروسه سی اوشبو جهت دن کتته اهمیت گه ایگه.  جمهوررئیس اردوغان نینگ آذربایجان دن قیتیب کیلیاتگن پیتده یونان بیلن علاقه لی بیرگن بیاناتلری ینگی دورده آتن بیلن انقره اورته سیده گی مناسبت لرنینگ یومشاق بوله دیگن لیگینی کورستماقده. 

مناسبت لرنینگ عادی له شیشی خوفسیزلیک مسئله لری نینگ ایکّینچی پلان گه ایله نه دیگن لیگی معنی سی گه کیلمه یدی.  شوباعث خوفسیزلیک بیلن تشقی سیاست موازنه لی بیر شکلده دوام ایتدیریله دی. اوشبو جهت دن آلیب قره گنده هاکان فیدان نینگ رولی نینگ آرتیب کیتیشی ممکن.  فیدان نینگ بیروکراتیک موفقیت لری و دوسیه لرنی جوده یخشی بیلگن لیگی تشقی سیاستده خوفسیزلیک نینگ مهم اورین گه ایگه بوله دیگن لیگینی ایما ایتماقده. اوشبو جهت دن آلیب قره گنده تروریزم گه قرشی کوره ش نینگ هم تشقی سیاستده اولویت گه ایگه بیر موضوع بوله دیگن لیگینی ایسله تیب اوتیشی میز ممکن. 

ینگی دورده تورکیه نینگ خلق ارا مقیاسده گی آجنداسی هم جوده کوپ بوله دی.  اوشبو جهتدن اردوغان نینگ بیرلشگن ملتلر تشکیلاتی رفورم لری, اقلیم اوزگریشی, اوکراین بحرانی, افریقا و فلسطین مسئله لریده اهمیت گه ایگه بولیشی و انقره نینگ بین المللی سطحده گی مسئله لر بوییچه فعالیت لرینی جدللشتیریشی نی کوتیشی میز کیره ک. ینگی دور حرکتلی بوله دی و تورکیه جهتی دن فایده لی بوله دیگن لیگی دیک بعضی ریسک لر نینگ پیدا بولیشی بوییچه هم شرایط تامین ایتیب بیره دی.