مس صنعتی

6 فبروریده تورکیه نینگ جنوب – شرق تامانیده یوزبیرگن ییر قیمیرلش حادثه سیده بویوک زیان ییتگن قهرمانمره ش نینگ قدیمدن بیری مس صنعتکارلیگیده مشهور ایکن لیگینی بیله سیزمی؟

قدیم زماندن بیری انچه مدنیت حکم سورگن اناطولیده تورلی قول صنعتلری هم کیلگن دیر. بولردن بیرته سی ایسه مس صنعتکارلیگی دیر. مس نینگ تاپیلیش و ایش آلینیشی حقیده بوندن 10 مینگ ییل مقدم اناطولیده تاپیلگن لیگی ایتیله دی. چتل هویوکده بولیب اوتگن قازوولرنتیجه سیده میلاددن آلدین طبیعی مس آرقه لی انچه نرسه یسلگن لیگی کوریله دی. مس نی ینچیب توزه تیلگن آشخانه و بیزش اسبابلری بیلن بو صنعت بوگونگی کونگه ییتیب کیلگن دیر.

اوتمیش پیتلرده اناطولیده مقیاسیده بولگن بو مس صنعتی قهرمانمره شده هم مهم اورین گه ایگه دیر و کیینگی نسللرگه میراث قالدیریلگن دیر. قهرمانمره ش نینگ قول صنعتلریدن بیرته سی بولمیش مس صنعتکارلیگی تورکیه ده کتته اهمیت گه ایگه دیر. انسان محنتی آرقه لی یوزه گه چیققن بو صنعت 1950 ییلیدن کیین قهرمانمره شده کوپراق رواجلنیب باره دی و مس محصوللری تورکیه نینگ تورلی منطقه لریگه جونه تیلیب باشلنه دی. مس صنعتکارلری تامانیدن قازان، پتنوس، تباق، گلدانی، لگن کبی نرسه لر ایشلب چیقریلماقده. ایشلب چیقریلگن محصوللرگه 70 فایز مس، 30 فایز چینکودن ایش آلینر ایکن بیزشلریده ایسه برنج تیمیردن ایش آلینماقده. قهرمانمره شده ایشلب چیقریلگن مس محصوللری توریستلر و چیت ایلگه ساتیلماقده دیر.