هاتای ولایتی

6 فبروریده تورکیه نینگ جنوب – شرق تامانیده یوزبیرگن ییر قیمیرلش حادثه سیده بویوک زیان ییتگن هاتای شهری نینگ اناطولیده گی اینگ قدیم تورر جایلردن بیرته ایکن لیگینی بیله سیزمی؟

اناطولی نینگ اینگ قدیم تورر جایلریدن بیرته سی بولمیش هاتایده جایلشگن تاریخی حیات قالدیقلری میلاددن آلدین 100 مینگ ییللریگه تیانماقده. هاتای منطقه سینی یاقیملی قیلگن معتدل اقلیم شرطلری و حاصللی توپراقلری قاله ویرسه تاریخ نینگ هر پیتیده کوچلر یوزبیرگن لیگی دیر. اناطولینی چقور اوا یولی آرقه لی سوریه – فلسطن گه باغله گن قتناو یول نینگ گذرگاهیده اورین آلماقده دیر. شونده ی بولیب بین النهردن اورته ییر دینگیزی گه چیقیش اوچون اینگ مناسب بندرلر بو منطقه ده دیر.

دینلر، مدنیتلر و قرداشلیک نینگ رمزی بولمیش موسوی، عیسوی و مسلمان همجمعیتلریگه حیات کیچیره یاتگن 23 عصرلیک اوتمیشی بولمیش هاتایده اوچ دین نینگ منسوبلری یانمه یان قبرلرده یاتماقده دیر. شهرده جایلشگن ست پیره کلیسه سی، عیسی گه اعتقاد قیلگنلرنینگ عیسوی دیب اتلگن دستلبکی جای دیر و پاپ vı. پاول تامانیدن حج ییر ایتیب اعلان قیلینگن دیر. شونده ی بولیب هاتای عیسوی عالمی اوچون هم اهمیت گه سزاواردیر.

رومالیکلر اوچون مهم شهر، شرق پایتختی بولمیش و امپراتورلرگه میزبانلیک قیلگن هاتای تاریخ بویلب ییر قیمیرلشردن اینگ کوپ زیان کورگن شهرلردن بیرته سی بولگن دیر. اینیقسه 526 ییلیده یوزبیرگن ییر قیمیرلش تاریخده اینگ کوچلی ییر قیمیرلشلردن بیرته سی بولیب شهرنی ویران قیلگن.

هاتای طبیعی آفتلردن تشقری اشغال و ویرانلیکلرنینگ هم مرکزی بولگن دیر. 526 و 528 ییر قیمیرلشلری نینگ آرتیدن قیته قوریلگن شهر عرب و غرب منبعلریده بیر «سوو شهری» شهری ایتیب تعریف ایتیلماقده و اوتمیشدن بوگونگه کیلگنده تجارتده هردایم مهم اورین آلگن دیر.

2022 ییلی راپورلریگه کوره تورکیه نینگ اینگ گاوجوم 13 – شهری بولمیش هاتای یوزبیرگن زلزله فلاکتی طفیلی بوگونگی کونده ویران بولگن وضعیتده. بیراق آتی مصطفی کمال آتاتورک تامانیدن قوییلگن بو تورک شهری البته کی ملتی نینگ بیرلیک برابرلیگی بیلن قیته دن تیکلنه دی.