تنیقلی عکاس اره گولر

تنیقلی عکاس اره گولر  

خلق ارا ساحه ده مهم فعالیتلری بولمیش تنیقلی تورک عکاس اره گولر اوچون «استانبول نینگ کوزی» دیب اتلگن لیگینی بیلرمیدینگیز؟

تورکیه ده عکاسلیکده تنیقلی سیمالردن بیرته سی بولمیش اره گولر، 1928 ییلیده استانبولده توغیلگن دیر. عکاسلیک استادی گولر، 90 ییللیک حیاتیده نه فقط تورکیه نینگ عیندمده دنیا عکاسلیک عالمیده هم مهم سیمالردن بیرته سی بولگن دیر.

باله لیک چاغیده سینمادن تاثیرلنگن اره گولر لیسه دوریده آته سی آلگن 35 م م بیر ویدیو و عکس کمره سی بیلن فوتوخبرچیلیگی گه باشله یدی. ینه خوددی شو باسقیچده فلم استدیولریده سینماچیلیک نینگ تورلی ساحه لریده ایشله گن و تیاتر تعلیمی آلیش گه باشله گن دیر. استانبول عالی بیلیم یورتی اقتصاد فاکولته سیده تحصیل گه دوام ایترکن ژورنالیست بولیش گه قرار بیره دی.

میلادی 1961 ییلی بیرلشگن قراللیکده نشر بولگن فوتوگرافی انوال Photography Annual، اونی دنیا مقیاسیده اینگ یخشی 7 عکاسدن بیرته سی دیب اته گن دیر. خوددی شو ییل امریکا مجله عکاسلری انجمنی گه قبول ایتیله دی و بو تشکیلات نینگ تورکیه ده گی بیرینچی اعضاسی بوله دی. فوتوتصویر عالمی نینگ جوده مهم نشراتلریده فوتوتصویرلری اورین آلگن دیر. امریکا قوشمه ایالتلری، آلمان، پاریسده تورلی کورگزمه لر اویوشتیره دی. دنیاگه سیاحت قیلیب فوتوتصویر مصاحبه لری اوتکزگن اره گولر بولرنی دنیا مقیاسیگه عکس ایتتیره دی. اوزینی «آن فوتوتصویرچیسی» ایتیب اته گن تنیقلی عکاس مسلکی دوامیده چارلیس دی گوله، عصمت اینونو، وینستون چرچیل، ایندیرا گاندی، جون برگر، برتراند روسل، بیل برانت کبی جوده مهم شخصلر بیلن مصاحبه اوتکزگن و اولرنینگ فوتوتصویرینی آلگن دیر. بولردن اینگ مهمی ایسه عکاسلرگه فوتوتصویر آلیش گه رخصت بیرمه گن پیکاسودیر.

میلادی 2000 ییلیده فرانسه ده لژیون دونر نشانی قولگه کیریتگن اره گولرنینگ فوتوتصویرلری نینگ انچه سی فرانسه، امریکا قوشمه ایالتلری و آلمانده تورلی موزیملرده نمایش قیلینماقده دیر. اوزینی فوتوتصویر صنعتکاری ایمس فوتوتصویر خبرچیسی ایکن لیگینی ایتگن دیر.