Nonushtaning sog'liq uchun foydalari

Nonushta va sog'lom turmush tarzi inso salomatligi va yaxshi kayfiyatning kafolati hisoblanadi. Eng muhim foyda shundaki, nonushta metabolizmni kuchaytiradi va kun davomida ko'proq kaloriya yo’qotishga yordam beradi.

Tadqiqotlar shuni ko'rsatadiki, nonushta vaqtini o'tkazib yuboradigan odamlar kun davomida bir oz kamroq kaloriya iste'mol qilsalar ham, yuqori tana massasi indeksiga ega bo’ladi.

Turli tadqiqotlar kunni nonushta bilan boshlashning turli xil afzalliklarini aniqladi:

• Kamroq vaznga ega bo'lish,
• Kun davomida kamroq yog' iste'mol qilish,
• Kundalik kaltsiy miqdori yuqori bo'lishi,
• Kundalik tolani ko'proq iste'mol qilish,
• Yana ham ko’proq quvvatga ega bo’lish. Ayniqsa, maktab yoshidagi bolalar uchun.
• Agar siz kunni sog'lom va qoniqarli nonushta bilan boshlasangiz, kun davomida yuqori kaloriyali taomlarga ehtiyoj sezmaysiz.

1. Muvozanatli nonushta energiya beradi

Avvalo, nonushta qilishni o'tkazib yuboradiganlar kun davomida jismoniy faollikni kamaytiradi va ularning energiya sarfi kamayadi. Biz sarflagan energiya kamayib borayotganligi sababli, vazn yo'qotish qiyinlashadi. Uzoq vaqt davomida och qolgan tana keyingi ovqatda iste'mol qilingan ovqatni yog'ga aylantiradi va uni tanada saqlab qoladi. Ushbu salbiy ta'sirlardan qochish uchun uyg'onganingizdan keyin 1 soat ichida nonushta qilishni unutmang.

Nonushta qiladigan odamlar ertalab nonushta qilmaydiganlarga qaraganda ancha faolroq bo’ladi. Buning sababi ertalab nonushta qilish ularga kunni ko'proq energiya bilan boshlashga yordam berishi mumkin.

Nonushta qiluvchilar kun davomida nonushta qilishni o'tkazib yuboradiganlarga qaraganda ko'proq kaloriya iste'mol qiladilar, lekin ular faolroq bo'lgani uchun kunni unumli o’tkazadilar.

Uyg'onganimizda nonushta qilish orqali kerakli energiyani qabul qilish jismoniy va ruhiy jihatdan yaxshi his qilishga olib keladi. Nonushta iste'mol qilmaydigan odamlarda kun bo'yi charchoq, zaiflik, diqqatni jamlashning yetishmasligi, qon shakarining pastligi va uyqusizlik kuzatilsa, nonushta qilganlar baquvvatroq bo'ladi. Bundan tashqari, nonushta iste'mol qilmaydigan odamlar uchun kun davomida yog'li va shakar miqdori yuqori bo'lgan ovqatlarga moyillik kuchayadi, nonushta qilganlar esa ishtahani yaxshiroq nazorat qila oladi.

1. Nonushta yurak salomatligini himoya qiladi

Nonushta iste'mol qilmaydigan kishilar yurak kasalligidan ko'proq azob chekishadi. Tadqiqotlar shuni ko'rsatadiki, nonushta qilishni o'tkazib yuboradigan odamlar og'irlashadi, bu diabet, yuqori xolesterin va yuqori qon bosimiga olib kelishi mumkin, bu esa yurak kasalligi xavfini oshiradi.

       1. Nonushta xotirani kuchaytiradi

Nonushta qilish konsentratsiyani yaxshilash, chalg'ishni oldini olish va xotirani mustahkamlash kabi ta'sirlarga ega. Bu miya uchun zarur energiyani ta'minlash orqali o'rganishni yaxshilaydi. Nonushta iste'mol qilinmasa, uzoq davom etgan ro'za davri qon shakarining eng past darajaga tushishiga olib keladi va miyaga yetarli miqdorda glyukoza berilmaydi. Bu konsentratsiyaning pasayishiga, samaradorlikning pasayishiga va unumdorlikning kamayishiga olib keladi. 

Nonushta kattalar hamda bolalarda xotirani, konsentratsiyani, axborotni qayta ishlash tezligini, fikrlash, o'rganish va nutq qobiliyatini yaxshilashi mumkin.

1. Nonushta qandli diabet xavfini kamaytirishi mumkin

Erta nonushta diabetga olib kelishi mumkin bo'lgan qon shakarining o'zgarishini oldini olishga yordam beradi.

Tadqiqot shuni ko'rsatadiki, nonushta qiladigan odamlarda diabet rivojlanish xavfi kamroq. Nonushtani o'tkazib yuboradigan odamlarda ovqatdan keyin shakar va insulin darajasi yuqori bo'ladi va nonushta qilishni o'tkazib yuborish insulin sezgirligini buzadi. Shu bilan birga, nonushta qilishni o'tkazib yuboradigan odamlar kun davomida tez-tez ochlikni his qilishadi va tez-tez ovqatlanadilar. Bu holat shakar almashinuvini buzadi. Ushbu buzilishlar diabetga ham olib kelishi mumkin.

      1. Soch to'kilishiga qarshi kurashda yordam berishi mumkin

Nonushtani o'tkazib yuborish soch to'kilishi ehtimolini oshirishi mumkin. Proteinga boy nonushta sochni oziqlantiradi va sog'lom soch o'sishiga yordam beradi.

1. Bosh og'rig'i va migrenga qarshi kurashishda yordam berishi mumkin

Nonushtadan mahrum bo'lish qon shakar darajasining pastligi (gipoglikemiya) tufayli bosh og'rig'iga va migrenga olib kelishi mumkin. Nonushtani o'tkazib yuborish migrenni keltirib chiqaradi.

1. Nonushta tolaga boy mahsulotlarni qabul qilish uchun to’g’ri vaqt hisoblanadi.

Nonushta - yuqori eriydigan tolalarni olish uchun ajoyib vaqt

1. Nonushta kayfiyatni ko’taradi

Sog'lom nonushta kayfiyatni yaxshilaydi. Tadqiqotlarga ko'ra, tungi uyqudan keyin ertalabki nonushta miyangizdagi shakar zaxiralarini to'ldiradi. Ko'pchilik, ehtimol, nonushta bilan sevinchli va kamroq g'azablanadigan bo'ladi..

Nonushta qanday bo’lishi kerak?

Nonushtaning ijobiy ta'siridan maksimal darajada foydalanish uchun; Sizni tezda och qiladigan xamir yeguliklar va pishiriqlar kabi yuqori yog'li mahsulotlardan saqlaning. Buning o'rniga, eng yaxshi nonushta qora bug’doyli non, pishloq, tuxum, pomidor, bodring, zaytun yoki yong'oq kabi mahsulotlardan foydalansangiz maqsadga muvofiq bo’ladi.

Dr. Mehmet Uchar tomonidan tayyorlandi.