Kun tahlili 13- qism

Moskvada  Terror

22-mart, juma kuni Rossiya yirik terakt bilan larzaga keldi. Poytaxt Moskvadagi Crocus City Holl-Munitsipal madaniyat markazi konsert zaliga bostirib kirgan terroristlar yuzdan ortiq odamni o‘ldirib, konsert zaliga o‘t qo‘ydi.   Hujumni uyushtirgan unsurlarning DEASh a'zosi ekanligi haqidagi xabar ortidan hujumchilar Rossiya-Ukraina chegarasiga yaqin hududda o'lkadan qochishga urinayotgan vaqtda qo'lga olindi. Hujum uchun javobgarlikni DEASh o‘z zimmasiga olgan bo‘lsa-da, Rossiya rasmiylari Ukraina va uni qo‘llab-quvvatlayotgan g‘arb davlatlarini ayblamoqda.

SETA / Tashqi siyosat tadqiqotchisi Jan AJUNning ushbu mavzu bo'yicha fikr va mulohazasini  taqdim etamiz...

  O'tgan juma kuni Rossiya yirik terror hujumiga duch keldi. Rossiya nuqtai nazaridan buni tarixdagi eng yirik teraktlardan biri deb hisoblash mumkin.  Poytaxt Moskvadagi Crocus City Holl-Munitsipal  madaniyat markazi kontsert zaliga qurolli unsurlar tomonidan bostirib kirishi oqibatida yuzdan ortiq odam halok bo‘ldi, yana ko‘plari jarohatlandi, konsert zaliga ham o‘t qo‘yildi. Hujumchilarning shaxsi haqida savol belgilari mavjud bo'lsa-da, Rossiya-Ukraina chegarasida 4 nafar hujumchi qo'lga olindi.

  Ayni paytda DEAShning Xuroson guruhining  bayonoti bilan harakat mas'uliyatini o'z zimmasiga oldi, ular chop etgan tana kamerasi tasvirlari qirg'inni yana bir bor oshkor qildi.

  Rus rasmiylari esa DEASh masalasini boshqacha talqin qildi. Ularning taʼkidlashicha, hujum DEASh tomonidan tashkiliy ravishda amalga oshirilgan boʻlsa-da, uning ortida Ukraina va uni qoʻllab-quvvatlovchi gʻarb davlatlari turibdi. Putin va Medvedev kabi aktyorlar ham xuddi shunday bayonotlar bilan chiqishgan. Darhaqiqat, so‘nggi oylarda hozirda Afg‘onistonda joylashgan DEAShning Xuroson guruhi harakatda edi. Ular Turkiyada, Eronda, Pokistonda, hozir esa Rossiyada birin-ketin terrorchilik harakatlarini sodir etgan ko‘rinadi.  Shuningdek, hujum qilganlar tojikistonliklar bo‘lgani va Tojikiston Xitoy bilan chegarada joylashganini ham qayd etish lozim. Go'yo bu hudud AQSh Afg'onistondan chiqib ketganidan keyin DEASH uchun tayyorlangandek. Tashkilot, shuningdek, Iroq va Suriyadan Afg'onistonga o'z elementlarining bir qismini ko'chirishga muvaffaq bo'ldi. AQSh PKK bilan birga Rakkani qurshab olgan davrda DEAShning muhim yetakchilari va unsurlari kelishuv  bilan bu yerdan chiqib ketishdi. Ularning Afgʻonistonga koʻchib oʻtgani maʼlum boʻldi va endilikda bu tashkilotning AQSh bilan muammosi boʻlgan davlatlarga nisbatan chora koʻrgani muhim koʻrinadi. Shuning uchun Putin to'g'ri joyga javob berayotgan bo'lishi mumkin.

Oxir oqibat, Moskva hujumi Rossiyada katta g'azabga sabab bo'ldi va Rossiya ayblagan Ukrainaga nisbatan g'azab yanada kuchaydi. Endi ruslar ob-havo va yer sharoitining  mos bo’lishini kutishmoqda va ehtimol Ukrainaga katta hujum uyushtirishadi.  Rossiya jamoatchilik fikri ham har qachongidan ham kattaroq urushga tayyor ko'rinadi. Kelgusi oylar Ukrainada yirik mojarolarga guvoh bo'ladi. G‘arb davlatlari Ukrainani yanada mazmunli qo‘llab-quvvatlamasa, urushning borishi katta ehtimol bilan Rossiya foydasiga o‘zgaradi.

  Biz SETA / Tashqi siyosat tadqiqotchisi Jan AJUNning ushbu mavzu bo'yicha fikr va mulohazasini taqdim etdik ...