Rossiyaning Belgorod shahriga hujum sodir etildi

Ukraina tomonidan Rossiyaning Belgorod shahrida uyushtirilgan hujumlarda bir kishi halok bo'ldi.

Belgorod gubernatori Vyacheslav Gladkov, ijtimoiy tarmoqdagi sahifasida bergan bayonotida, Ukraina Qurolli kuchlarining 23-mart kuni soat 07:00 dan 24-mart soat 07:00 gacha uyushtirgan hujumlarida 1 kishi halok bo‘lgan, 7 kishi yaralanganini qayd etdi.

Qayd etilishicha, hujumlar tufayli shaharda moddiy zarar yuzaga kelgan. Hujumlarda 214 ta xonadon, 32 ta koʻp qavatli uy, 34 ta hovli uy, 1 ta omborxona, 3 ta ijtimoiy obʼyekt va 9 ta savdo obʼyekti, 40 ta avtomobil shikastlangan. 

Kechga yaqin Rossiya havo mudofaa tizimlari Belgorod viloyati ustida 22 nafar Ukraina havo nishonini urib tushirgan. Hodisada 4 kishi yaralangan.

Rossiya Mudofaa vazirligi, shuningdek, Ukraina armiyasi Moskva vaqti bilan soat 17.50 atrofida "RM-70 Vampire" ko‘p barrelli raketa otish tizimi bilan Rossiya hududiga hujum uyushtirganini e'lon qildi.

"Belgorod viloyatida 22 ta raketa havo hujumidan mudofaa tizimlari tomonidan yo'q qilindi" deyiladi bayonotda.