b d t balilar fondi jemiyiti pelestinde kichik balilarni öltürüshni toxtitishni telep qildi
birleshken döletler teshkilati balilar fondi jemiyiti (UNICEF) pelestin zéminida kichik balilar ölümini choqum toxtitish kéreklikini bildürdi.
türkiye awazi radiyosi xewiri: birleshken döletler teshkilati balilar fondi jemiyiti (UNICEF) ning ottura sherq we shimaliy afriqa rayonining diréktori adile xodrning bayanati, b d t balilar fondi jemiyiti (UNICEF) ning X bétide élan qilindi.
adile xodr yéqinqi 72 saet ichide ghezzening jenubidiki refah shehiride 14 kichik bala we gherbiy qirghaqtiki tulkerim shehiride üch kichik balining öltürülgenlikini bildürdi.
pelestin zéminidiki kichik balilarning uzundin buyan échinishliq we rezil zorawanliqlarning patqiqigha pétip qalghanliqini tilgha alghan adile xodr, pelestinde kichik balilarning öltürülüshini choqum toxtitish we urush toxtitishni emelge ashurush kéreklikini tekitlidi.
israiliye armiyesi radiyosi 18 - aprél (2024) da gherbiy qirghaqning shimaligha jaylashqan tulkerim shehiridiki nur shems panahlanghuchilar lagérigha qarita «keng kölemlik herbiy heriket» bashlighanliqini élan qilghan idi.
israiliye eskerlirining nur shems panahlanghuchilar lagérigha qilghan hujumida, 14 pelestinlikning shéhit qilinghanliqi uqturulghan idi.
guwahchilartünügün (21-aprél) kechte israiliye armiyesining lagérgha qilghan hujumining axirlashqanliqini we rayondin chékingenlikini bildürgen idi.
