erdoghan misir tashqi ishlar ministiri samih shukri bilen körüshti

türkiye awazi radiyosi xewiri: jumhur reislik mehkimisi uchur – alaqe idarisining ijtimaiy alaqe hésabida hembehirligen xewirige asaslanghanda, türkiye bilen misirning ikki tereplik munasiwetliri, israiliyening ghezzege qiliwatqan wehshiyane hujumlirigha munasiwetlik yéngi weziyet shundaqla xelqaraliq we rayon xaraktérlik mesililer muzakire qilinghan.

erdoghan israiliyening pelestin xelqige qaratqan wehshiyane hujumining dawamlishishigha egiship, jiddiychilik we toqunushning rayongha kéngiyip kétish xewipi barliqini bildürüp, pütkül rayonning toqunush patqiqigha pétip qélishining aldini élish üchün israiliye-iran jiddiychilikini azaytishning mohimliqini hemde buning üchün islam döletlirining ortaq tirishishining tolimu zörürlikini bildürdi.

jumhur reis erdoghan menggülük hel qilish charisi üchün éhtiyatchanliq bilen heriket qilish we istratégiyelik eqil ishlitishning hayatiy derijide muhimliqini tekitlep, israiliyening ghezzediki zulumini axirlashturush üchün, aldi bilen jiddiy menggülük urush toxtitish we insanperwerlik yardemlirining ghezzege tosalghusiz yetküzülishini ishqa ashurush kéreklikini tekitlidi.