amérika bilen isirailiye refahqa herbiy heriket bashlash mesiliside pütüshken
amérika we isirailiye dairiliri «refahta hamasni meghlub qilish» mesiliside kélishti. isirailiye rayongha hujum qilish pilanida «amérika tilgha alghan endishelerni» nezerge alidighanliqini bildürdi.
türkiye awazi radiyosi xewiri: aqsaray bayanat élan qilip, amérika bilen isirailiyening dölet xewpsizlik mesullirining iranning hawa hujumi we isirailiyening refahqa éhtimali bolghan hujum qilish pilanini muzakire qilghanliqini bildürdi.
bayanatta, tereplerning refah toghrisida öz pikirlirini otturigha qoyghanliqi we «ikki terepning hamasning refahta meghlub bolghanliqini körüsh mesiliside pikir birliki hasil qilghanliqi» qeyt qilindi.
bayanatta yene, amérikaning refahqa éhtimali bolghan hujum qilishning pilani toghrisidiki endishelirini tekitligenliki, isirailiyening bolsa, bu endishelerni nezerge alidighanliqini bildürgenliki؛ tereplerning keng dairilik muzakireler üchün pat arida yene bir qétim körüshidighanliqi eskertildi.
amérika dölet mudapie ministirliqi ikki terep mesullirining refah shehirining ehwali we isirailiyening herbiy heriket bashlash éhtimalini muzakire qilishni dawamlashturuwatqanliqini élan qilghan idi.
isirailiye bash ministiri nétanyahu ghezzening jenubigha jaylashqan refah shehirige quruqluqtin hujum qilish waqtining békitilgenlikini uqturghan idi.
