amérika bilen engliye irangha émbargo yürgüzidu
amérika bilen engliye, iran isirailiyege hawa hujumi qilghandin kéyin, rayon muqimliqigha ziyan salghanliqini seweb körsitip, iranning yette puqrasigha we alte orginigha émbargo yürgüzülidighanliqini élan qildi.
türkiye awazi radiyosi xewiri: engliye tashqi ishlar wazariti bayanat élan qilip, iranning 13-aprél isirailiyege qilghan hawa hujumigha jawaben, amérika bilen teng masliship iran armiyesining yuqiri derijilik emeldarlirigha émbargo yürgüzüshning qarar qilinghanliqini bildürdi.
bayanatta, émbargolarning iranning rayon muqimliqigha ziyan sélish iqtidarigha cheklime qoyidighanliqi eskertildi.
émbargo qoyulghan organlar we kishiler arisida iran armiyesining bash ishtabi, iran inqilabiy muhapizetchiler déngiz qismining générali we mudapie ministiri muhemmed riza ashtiyanning barliqi qeyt qilindi.
émbargo yürgüzülgen kishilerge sayahet cheklimisi qoyulidighanliqi, mal-mülüklirining tonglitilidighanliqi bildürüldi.
israiliye 1-aprél iranning demeshiqtiki elchixanisining konsulxana binasigha hawadin hujum qilip, iran inqilabiy muhapizetchiliri qisimlirining ikki généralini öz ichige alghan yette eskirini öltürgen. hujumda yene süriye puqrasi alte kishimu jénidin ayrilghanidi.
iran buning dölet zéminigha hujum qilghanliq bolidighanliqini we öch alidighanliqini élan qilghan idi. isirailiye bolsa, iranning hujumlirigha jawab qayturidighanliqini bildürgen idi.
iran 13-aprél kéchide isirailiyege qaritip yüzlerche uchqu we onlarche bashqurulidighan bomba qoyup berdi. netijide, isirailiyening bezi herbiy bazilirigha bashqurulidighan bomba chüshkenliki qeyt qilindi.
isirailiye uchqu we bashqurulidighan bombilarning köpinchisining hawa qalqan sistémisi teripidin tosuwélinghanliqini, jenubtiki herbiy bazigha bir bashqurulidighan bomba chüshkenlikini uqturdi.
