amérika anadolu rayonigha ait 41 tarixiy yadikarliqni türkiyege qayturup berdi
amérikada qolgha chüshürülgen anadolu rayonigha ait 41 tarixiy yadikarliq, niyu yorkta türkiye mesullirigha tapshurup bérildi.
türkiye awazi radiyosi xewiri: uzungha sozulghan sot ishliri netijiside türkiyege qayturup bérish qarar qilinghan tarixiy yadikarliqlar üchün türkiyening niyu yorktiki elchixanisida murasim ötküzüldi.
amérikadiki bezi muzéylarning wekilliri bilen bezi amérikaliq akadémiklirimu qatnashqan murasimda, medeniyet we sayahet ishliri ministirliqi mesulliri, menxaton rayonluq teptish mehkimisi bilen hemkarliship xizmet qilish netijiside qolgha chüshürülgen anadolu rayonigha ait 41 parche medeniy miras tapshurup élindi.
tarixiy yadikarliqlar miladidin burunqi 7 - esirdin miladidin kéyinki 7 - esirgiche bolghan keng dewrge ait ikenliki bildürüldi.
qayturup bérilgen tarixiy yadikarliqlarning texminen 60 yil ilgiri burdurdiki bobon qedimkiy shehiridin amérikagha etkes qilinghanliqi we her xil muzéy we toplighuchilargha sétilghan bir qisim eserlernimu öz ichige alidighanliqi bildürüldi.
