türkiyening tunji nékropol muzéyi antalyada xizmetke kirishtürüldi
medeniyet we sayahet ishliri ministiri mehmet nuri ersoy türkiye medeniyet yoli féstiwaning axirqi békiti bolghan antalyada, doghu garajidiki antalya nékropol muzéyining échilishigha qatnashti.
türkiye awazi radyosi xewiri: ministir mehmet nuri ersoy deslepte muzéyni ziyaret qilghandin kéyin bayanat élan qilip, dunyaning nurghun jaylirida nékropol muzéyliri barliqini éytti.
ersoy ispaniye, italiye, watikan we bulghariyediki nékropol muzéylirini misal körsitip: «bügün biz antalyadiki nékropol muzéyini achtuq. türkiyening tunji nékropol muzéyidur. miladidin ilgiriki 3-we 4-esirlerdin tartip, miladidin kéyinki 5-esirgiche tutushidighan qebriler közgezme qilinidu» dédi.
medeniyet we sayahet ishliri ministirliqi teripidin 2008-yili bashlanghan qutquzush we qézip tekshürüsh jeryanida 866 qebrining tépilghanliqini bildürgen ersoy, shuchaghdila bu yerge nékropol muzéyi sélish qarar qilinghanliqini éytti.
mehmet nuri ersoy muzéyda körgezme zalining barliqini bildürüp, féstiwal boyiche senetkarlarning eserlirining körgezme qilinidighanliqini éytti.
mehmet nuri ersoy muzéyning antalyaning medeniyet bayliqigha töhpe qoshidighanliqini bildürdi.
