nyu yorkta ezan awazi tunji qétim jamelerdin yangratqudin anglandi
amérika qoshma ishtatlirining nyu york shehiride ezan jamelerde tunji qétim yangratqu arqiliq éytildi.
türkiye awazi radiyosi xewiri: manxattan rayonidiki eng chong jamelerdin biri bolghan nyu york islam medeniyet merkizi jameside jüme waqtida ezan tunji qétim yangratqu arqiliq éytildi.
nyu york sheher bashliqi érik adams 29-awghust küni ötküzülgen muxbirlarni kütüwélish yighinida, nyu york shehiridiki jamelerde jüme küni jüme waqtida we ramizan éyida iptar waqtida ezanning yangratqu arqiliq éytilidighanliqini uqturghanidi.
u islam dinining xiristiyan dini, yehudiy dini we bashqa dinlargha oxshashla nyu york medeniyitining muhim terkibiy qismi ikenlikini, jamelerning jinayetke qarshi küresh we qanunsiz köchmenler mesiliside zor yardemde bolghanliqini bayan qilghan, hemde musulman rehberlerge xitaben mundaq dégenidi:
«silerge tégishlik heq – hoquqlarni bérishke wede bérimiz.»
igilinishiche, nyu york shehirining bu heqte chiqarghan qararigha asasen, nyu york shehiride ezan jüme künliri jüme waqtida shu jay waqti saet 12.20 din 13.30 ghiche, ramizanda éyida bolsa iptar waqtida «muwapiq sewiyede» yangratqu arqiliq éytilidiken.
