osmanli taamliridin künimizgiche saqlinip kelgen «chilbir» ispaniye gézitide tonushturuldi

türkiye awazi radyosi xewiri: «20 minut» namliq gézitining gastronomiye istonida, «siz chilbirni tétip baqqanmu? bu saghlam we eneniwi türk tamiqini 20 minutta teyyarliyalaysiz» témisi astida «chilbir» tonushturuldi.

ispaniyening pélla we tortéllagha oxshash tipik we mol taamliri barliqi, emma chet el temlirigimu ochuq ikenliki tilgha élinghan maqalide, «chilbir» üchün: «hem saghlam ozuqlinishni, hem dora - dermeklik yémekliklerni yaqtursingiz, bu rétsip del sizge layiq. emma, diqqet qiling, u dora - dermeklik bolghangha oxshashla ozuqluqi intayin mol taam» déyildi.

gézitining gastronomiye istonida «chilbir» ning türkiyede nahayiti tipik tamaq ikenliki we chet elde «türk tuxumi» depmu atilidighanliqi eskertilip, mol qétiq qiyami, aziraq qizilmuch we suda pishurulghan tuxum bilen yasalghan bu tamaqni choqum tétip béqish kérekliki tekitlendi.

ispaniyede türk taamliri köpinche döner, kawap, türk tatliq türümmliri we baklawa bilen tonilidu.